Wang léchüen we isma'il tiliwaldi azadliq armiye eskerlirini yoqlidi

Xitay hökümitining Uyghur élige békitken emeldari wang léchüen, özining mu'awin hemriyi isma'il tiliwaldi bilen birlikte yé'iqinda, shinjang herbiye rayon orginigha bérip, zitay azadliq armiyisining shinjangda turushluq qisimliridiki ofitsir ‏- eskerlerdin hal sorighan.

Xitay axbarat wastilirining bu heqte bergen xewiridin ashkarlinishiche, wang léchüen qatarliq emeldarlar azadliq armiyining ofétsir ‏- eskerliridin hal sorash bilen birge yene ularni nurghun pul bilen mukaplighan.

Wang léchün, azadliq armiye eskerlirige, qisimning urush qilish iqtidarini ashurush, chégra rayonning muqimliqi, döletning bixeterliki qoghdap, sotsiyalistik inaq shinjang qurush üchün töhpe qoshushni telep qilghan.

Wang léchüenning, Uyghur élida milliy bölgünchilik, chégra rayonning muqimsizliqi digenlerni bahane qilip, nurghunlighan Uyghurlarni türmilerge tashlighanliqi hetta nurghun Uyghur yashlirini ölüm jazasi bilen jazalap kéliwatqanliqini tekitlewatqan, chet'ellerdiki Uyghur teshkilatliri, uning heqqide xitay merkizi hökümitige ochuq xet yézip, uning qanunsizliq qilmishlirini pash qilidighanlqini bildürmekte.

Xitayda chiqidighan bir zhornalda yéqinda wang léchüenning, shendongdiki dölet igilikige tewe 73 milyartliq bir éliktir énirgiye shirkitini, 3 milyartqa sétiwitishtek xiyanetchilik dilosigha chétilip qalghanliqi pash qilin'ghan idi.

Küzetküchiler, wang léchünning arqa tériki küchlük bolghanliqi üchün uning köpligen qanunsizliq qilmishliri basturulup kelmekte diyishmekte. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar