Толуқ қоралланған хитай сақчилири үрүмчи шәһирини чарлашқа башлиди


2005-03-02
Share

Бу йилдин башлап йүздин ошуқ толуқ қоралланған хитай сақчилири һәр күни үрүмчи шәһиридә чарлаш елип баридикән.

"Үрүмчи кәчлик гезити" ниң хәвиригә қариғанда, илгири чарлаш сақчилири сақчи тохмиқи вә яш ақтуруш бомбиси қатарлиқ мудапиәлиниш әслиһәлирини елип йүргән болса, бу йилдин башлап тапанча вә аптоматларни елип йүридикән.

Хәвәрдә көрситилишичә, үрүмчи шәһәрлик җамаәт хәвпсизлик идариси өткән йили ахиридин башлап чарлаш мудапиә қисмида чоң ислаһат елип барған болуп, толуқ қоралланған йүз нәччә сақчиниң үрүмчи шәһирини күндә чарлиши буниң арисидики муһим бир түр һесаблинидикән.

Хитайниң уйғур елидики партком секритари ваң лечуән 28 - феврал күни бу йәрдики "бөлгүнчилик" кә қарши көрәшниң узун мәзгил давамлишидиғанлиқини әскәртип, "3 хил күчкә зәрбә бериш" ниң муһимлиқини қайта тәкитлигән иди.

Германийидики шәрқий түркистан учур мәркизи, хитайниң уйғур елидә елип бериватқан қаттиқ бастуруш сияситиниң бу йәрдә техиму муқимсизлиқ пәйда қилидиғанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт