Toluq qorallan'ghan xitay saqchiliri ürümchi shehirini charlashqa bashlidi

Bu yildin bashlap yüzdin oshuq toluq qorallan'ghan xitay saqchiliri her küni ürümchi shehiride charlash élip baridiken.

"Ürümchi kechlik géziti" ning xewirige qarighanda, ilgiri charlash saqchiliri saqchi toxmiqi we yash aqturush bombisi qatarliq mudapi'elinish eslihelirini élip yürgen bolsa, bu yildin bashlap tapancha we aptomatlarni élip yüridiken.

Xewerde körsitilishiche, ürümchi sheherlik jama'et xewpsizlik idarisi ötken yili axiridin bashlap charlash mudapi'e qismida chong islahat élip barghan bolup, toluq qorallan'ghan yüz nechche saqchining ürümchi shehirini künde charlishi buning arisidiki muhim bir tür hésablinidiken.

Xitayning Uyghur élidiki partkom sékritari wang léchu'en 28 - féwral küni bu yerdiki "bölgünchilik" ke qarshi köreshning uzun mezgil dawamlishidighanliqini eskertip, "3 xil küchke zerbe bérish" ning muhimliqini qayta tekitligen idi.

Gérmaniyidiki sherqiy türkistan uchur merkizi, xitayning Uyghur élide élip bériwatqan qattiq basturush siyasitining bu yerde téximu muqimsizliq peyda qilidighanliqini bildürdi. (Peride)