Dunya bankisi Uyghur élining charwichiliq sana'iti tereqqiyati üchün 4 yüz milyon yüen ajratti

Xitayning Uyghur élidiki iqtisad gézitining xewiridin melum bolishiche, dunya bankisi Uyghur élining charwichiliq sana'iti tereqqiyati üchün 4 yüz milyon yüen meblegh ajratqan bolup, bu asasliqi charwa mallirigha qotan sélish qurulushi, qoy nesillendürüsh, yem-xeshek pishshiqlap ishlesh mashinilirini yaxshilash we mal soda bazarliri qurulushi qatarliqlar üchün ishlitilidiken.

Dunya bankisining Uyghur élidiki charwichiliq sana'iti tereqqiyati üchün élip barghan 6 yilliq bu programmisida, Uyghur élige -2004yilining özidila 75 milyon 560 ming yüen meblegh bérilidiken.

Xewerde körsitilishiche, dunya bankisi ajratqan bu pullar Uyghur élidiki 9 wilayet, aptonom oblastiki 24 nahiye we sheherlerge bérilidighan bolup, asasliqi bu rayondiki charwichi xelqlerning turmush sewiyisini yaxshilash hemde ularning kirimini ashurush meqset qilinidiken.

Lékin Uyghur pa'aliyetchiliri, bu pullarning esli bérilishke tégishlik bolghan yerlik xelqning qoligha tegmestin, hökümetning yaki emeldarlarning qolida yoqap kétishidin endishe qilidighanliqini ilgiri sürmekte. Shundaqla dunya Uyghur qurultiyining mu'awin re'isi memet toxti ilgiri xitayning, Uyghur élige bériliwatqan xelq'araning yardem pullirini herbiy xirajet üchün ishlitiliwatqanliqini bildürgen idi. (Peride)