Уйғур аптоном районида 2 - чоң чегра сода райони ечилди


2005-06-30
Share

Уйғур аптоном районидики әң чоң чегра сода районлириниң бири, йеқинда уйғур аптоном райониниң алтай вилайитидики җеминәй наһийисиниң қазақистан чегра еғизида ечилди.

Шинхуа ахбарат агентлиқиниң тәкитлишичә, җеминәй чегра сода райони уйғур аптоном районида қорғас чегра сода еғизидин кейинки әң чоң чегра сода базири һесаблинидикән. Хәвәрләргә қариғанда уйғур аптоном райони - қазақистан сода келишими бойичә, икки тәрәп пуқралири сода райониға салаһийәт гуванамиси билән визисиз кирип чиқалайду. Сода райониға 10 миң киши сиғидикән. Райондики қазақистан қатарлиқ дөләтләрниң хитай товарлириға йөлүниш дәриҗиси күнсери күчәймәктә.

Шинхуа ахбарат агентлиқиниң ашкарилишичә, һазир қазақистан турмуш буюмлириниң 80 ٪ ни хитайдин импорт қилидикән. Шинхуа ахбарат агентлиқи, җеминәйдики чегра сода райони хитай товарлириниң қазақистанға експорт қилинишини асанлаштуриду, дәп көрсәтти. Әмма көзәткүчиләр, хитай товарлириға зиядә йөлүниш, қазақистанниң миллий мәнпәәти үчүн пайдисиз, дәп әскәртмәктә.

Хитай дөләт рәиси ху җинтав пат йеқинда қазақистанни зиярәт қилиду. Бихәтәрлик, сияси вә енергийә җәһәттики һәмкарлиқни күчәйтиш билән биргә, иқтисади вә сода саһәсидики һәмкарлиқни кеңәйтиш, ху җинтавниң зиярәт сәпиридики муһим темиларниң бири һесаблинидикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт