Uyghur aptonom rayonida 2 - chong chégra soda rayoni échildi


2005-06-30
Share

Uyghur aptonom rayonidiki eng chong chégra soda rayonlirining biri, yéqinda Uyghur aptonom rayonining altay wilayitidiki jéminey nahiyisining qazaqistan chégra éghizida échildi.

Shinxu'a axbarat agéntliqining tekitlishiche, jéminey chégra soda rayoni Uyghur aptonom rayonida qorghas chégra soda éghizidin kéyinki eng chong chégra soda baziri hésablinidiken. Xewerlerge qarighanda Uyghur aptonom rayoni - qazaqistan soda kélishimi boyiche, ikki terep puqraliri soda rayonigha salahiyet guwanamisi bilen wizisiz kirip chiqalaydu. Soda rayonigha 10 ming kishi sighidiken. Rayondiki qazaqistan qatarliq döletlerning xitay towarlirigha yölünish derijisi künséri kücheymekte.

Shinxu'a axbarat agéntliqining ashkarilishiche, hazir qazaqistan turmush buyumlirining 80 ٪ ni xitaydin import qilidiken. Shinxu'a axbarat agéntliqi, jémineydiki chégra soda rayoni xitay towarlirining qazaqistan'gha éksport qilinishini asanlashturidu, dep körsetti. Emma közetküchiler, xitay towarlirigha ziyade yölünish, qazaqistanning milliy menpe'eti üchün paydisiz, dep eskertmekte.

Xitay dölet re'isi xu jintaw pat yéqinda qazaqistanni ziyaret qilidu. Bixeterlik, siyasi we énérgiye jehettiki hemkarliqni kücheytish bilen birge, iqtisadi we soda sahesidiki hemkarliqni kéngeytish, xu jintawning ziyaret sepiridiki muhim témilarning biri hésablinidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet