Xitay-qazaqistan qorghas xelq'ara chégra hemkarliq merkizi qurulushi bashlandi


2006-06-04
Share

Xitay axbarat wasitilirining ashkarilishiche, Uyghur éli bilen qazaqistan chégrisigha jaylashqan qorghas chégra éghizidiki xelq'araliq soda almashturush merkizi hésablinidighan xitay-qazaqistan xelq'ara chégra hemkarliq merkizining xitaygha tewe qismidiki qurulush resmiy bashlandi.

Xitay kompartiyisining Uyghur élidiki resmiy metbu'ati hésablinidighan" tengri tagh" torining uchurigha asaslan'ghanda, mezkur qazaqistan-xitay chégra halqighan soda hemkarliq merkizining omumiy yer meydani töt yérim kwadrat kilométrdin artuq bolup, xitay tereptiki qisimi üch yérim kwadrat kilométir etrapida iken, merkezning asasiy qisimi xitay teweliki hem kontrolluqida bolidiken.

Xewerde körsitilishiche, bu merkezning qurulushi pütkendin kéyin ikki terep sodigerliri we puqraliri bu jayda erkin pa'aliyet qilalaydiken. Mallarghimu erkin élip kirish we élip chiqish hoquqi bérilidiken, 8000 ming yü'endin töwen bahadiki maldin baj kechürüm qilinish békitilgen bolup, bir qatar paydiliq siyasetler belgilen'gen iken.

Qorghas chégrisidiki mezkur xelq'ara hemkarliq merkizini ötken yili qazaqistan rehbiri nazarbayéw ilini ziyaret qilghanda közdin kechürgen hemde ötken yili xitay rehbiri xu jintaw qazaqistanni ziyaret qilghanda , bu kélishimge qol qoyulghan idi.

Qorghastiki mezkur xelq'araliq merkezni tesis qilish emeliyette shangxey hemkarliq teshkilati ramkisi astida muzakire qilin'ghan bolup, eza döletler birdek halda uni qollighan idi.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet