ب ب س پروگراممىسىدىكى ئۇيغۇرلارغا مۇناسىۋەتلىك خەۋەرلەر خىتاي دائىرىلىرىنىڭ چەكلىشىگە ئۇچرىدى


2005-03-11
Share

بېرىتانىيە ئاخبارات ئاگېنتلىقى - ب ب س نىڭ خىتايدا ئاشكارە تارقىلىتىلىدىغان "جوڭگو ھەپتىلىك خەۋەرلىرى" پروگراممىسىدا، جۈمە كۈنى تارقىتىلغان ئۇيغۇرلارغا مۇناسىۋەتلىك بىر خەۋەر خىتاي دائىرىلىرىنىڭ كاشىلىسىغا ئۇچرىدى.

"جوڭگو ھەپتىلىك خەۋەرلىرى" پروگراممىسى بويىچە، ب ب س مۇخبىرى جۈمە كۈنى قەشقەر شەھىرىدىن مەخسۇس پروگرامما يوللىغان. پروگراممىدا مۇخبىر ئۇيغۇرلارنىڭ ۋەزىيىتى، مەدەنىيىتى، تارىخى ، تۇرمۇشى، كىشىلىك ھوقۇق ۋە دىنىي ئېتىقات ئەھۋالىنى تونۇشتۇرۇپ، ئۇلارنىڭ ۋەزىيىتى كۈندىن كۈنگە ناچارلىشىپ كېتىۋاتقانلىقىنى تىلغا ئالغان. پروگراممىدا مۇخبىر، " ئۇيغۇرلار خىتايلاردىن پەرقلىنىپ تۇرىدىغان مىللەت. ئۇلار كەلگۈسىدە ئۆزىنىڭ مۇستەقىل ۋەتىنى بولۇشنى ئۈمىد قىلىدۇ، لېكىن ئۇلار قاتتىق بېسىمغا دۇچ كەلمەكتە،" دەپ چۈشۈندۈرىۋاتقاندا پروگرامما تۇيۇقسىز ئۈزۈۋېتىلگەن.

بىرلەشمە ئاخبارات ئاگېنتلىقى، ب ب س مۇخبىرى ئۇيغۇرلارغا مۇناسىۋەتلىك سەزگۈر ئىبارىلەرنى ئىشلەتكەنلىكى ئۈچۈن "جوڭگو ھەپتىلىك خەۋەرلىرى" پروگراممىسىنىڭ كاشىلىغا ئۇچرىغانلىقىنى خەۋەر قىلدى. بىرلەشمە ئاخبارات ئاگېنتلىقى، ب ب س مۇخبىرىنىڭ ئۇيغۇرلار توغرىسىدىكى خەۋىرىنىڭ خىتاي دائىرىلىرى تەرىپىدىن بۇزغۇنچىلىق خاراكتىرلىك توسقۇنلۇققا ئۇرىغانلىقىنى تەنقىدلىدى.

خىتاي ھۆكۈمىتى بېرىتانىيە ئاخبارات ئاگېنتلىقى بىلەن تۈزگەن كېلىشىم بويىچە، ب ب س نىڭ خىتايدا "جوڭگو ھەپتىلىك خەۋەرلىرى"پروگراممىسىنى ئاشكارە تارقىتىشىغا قوشۇلغان.(ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت