B b s programmisidiki Uyghurlargha munasiwetlik xewerler xitay da'irilirining cheklishige uchridi


2005.03.11
Share on WhatsApp
Share on WhatsApp

Béritaniye axbarat agéntliqi - b b s ning xitayda ashkare tarqilitilidighan "jonggo heptilik xewerliri" programmisida, jüme küni tarqitilghan Uyghurlargha munasiwetlik bir xewer xitay da'irilirining kashilisigha uchridi.

"Jonggo heptilik xewerliri" programmisi boyiche, b b s muxbiri jüme küni qeshqer shehiridin mexsus programma yollighan. Programmida muxbir Uyghurlarning weziyiti, medeniyiti, tarixi , turmushi, kishilik hoquq we diniy étiqat ehwalini tonushturup, ularning weziyiti kündin kün'ge nacharliship kétiwatqanliqini tilgha alghan. Programmida muxbir, " Uyghurlar xitaylardin perqlinip turidighan millet. Ular kelgüside özining musteqil wetini bolushni ümid qilidu, lékin ular qattiq bésimgha duch kelmekte," dep chüshündüriwatqanda programma tuyuqsiz üzüwétilgen.

Birleshme axbarat agéntliqi, b b s muxbiri Uyghurlargha munasiwetlik sezgür ibarilerni ishletkenliki üchün "jonggo heptilik xewerliri" programmisining kashiligha uchrighanliqini xewer qildi. Birleshme axbarat agéntliqi, b b s muxbirining Uyghurlar toghrisidiki xewirining xitay da'iriliri teripidin buzghunchiliq xaraktirlik tosqunluqqa urighanliqini tenqidlidi.

Xitay hökümiti béritaniye axbarat agéntliqi bilen tüzgen kélishim boyiche, b b s ning xitayda "jonggo heptilik xewerliri"programmisini ashkare tarqitishigha qoshulghan.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.