Уйғур елидә икки чошқа базиси қурулмақчи


2007-08-09
Share

Хитай 3 йил вақит сәрп қилип, ақсу шәһири билән кучар наһийисидә икки чошқа беқиш базиси қуруп чиқишни қарар қилди.

Хитай ахбарат вастилириниң пәйшәнбә күни бу һәқтә бәргән хәвиридин мәлум болушичә, мәзкүр чошқа базилири, уйғур елиниң чошқа базириға болған еһтияҗини қандуруш билән биргә, японийә, яврупа вә сингапур қатарлиқ дөләтләрниң чошқичилиқ базарлирини тәминләш вәзиписини үстигә алидикән.

Хәвәрдә йәнә, 2010 ‏- йилғичә, уйғур елидә 500 миң туяқ чошқа йетиштурулидиғанлиқи, чошқа гөши мәһсулатини 35 миң тоннидин ашурулидиғанлиқи вә чошқа мәһсулати қиммити 600 милйон йүәнгә йәткүзилидиғанлиқи қәйт қилинған.

Уйғур мусулманлири, чошқини һарам дәп қариғанлиқи үчүн, бу хил һайванларни беқишни халимайду. Хитай һөкүмити мәдәнийәт зор инқилаби дәвридә уйғурларни чошқа беқишқа мәҗбурлиғандин сирт, һәтта мусулманларниң ибадәтгаһи болған мәсчитләрдә чошқа беқиш ишлирини елип барған иди.

Көзәткүчиләр ,хитайниң нөвәттә, уйғур елидә чошқа вә ишәк йетиштүрүш базилирини қуруши , уйғур хәлқиниң қаттиқ наразилиқини қозғапла қалмай, уларниң миллий өрп ‏- адитигә қилинған һуҗум һесаблинидиғанлиқини оттуриға қоймақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт