Uyghur élide ikki choshqa bazisi qurulmaqchi


2007.08.09

Xitay 3 yil waqit serp qilip, aqsu shehiri bilen kuchar nahiyiside ikki choshqa béqish bazisi qurup chiqishni qarar qildi.

Xitay axbarat wastilirining peyshenbe küni bu heqte bergen xewiridin melum bolushiche, mezkür choshqa baziliri, Uyghur élining choshqa bazirigha bolghan éhtiyajini qandurush bilen birge, yaponiye, yawrupa we sin'gapur qatarliq döletlerning choshqichiliq bazarlirini teminlesh wezipisini üstige alidiken.

Xewerde yene, 2010 ‏- yilghiche, Uyghur élide 500 ming tuyaq choshqa yétishturulidighanliqi, choshqa göshi mehsulatini 35 ming tonnidin ashurulidighanliqi we choshqa mehsulati qimmiti 600 milyon yüen'ge yetküzilidighanliqi qeyt qilin'ghan.

Uyghur musulmanliri, choshqini haram dep qarighanliqi üchün, bu xil haywanlarni béqishni xalimaydu. Xitay hökümiti medeniyet zor inqilabi dewride Uyghurlarni choshqa béqishqa mejburlighandin sirt, hetta musulmanlarning ibadetgahi bolghan meschitlerde choshqa béqish ishlirini élip barghan idi.

Közetküchiler ,xitayning nöwette, Uyghur élide choshqa we ishek yétishtürüsh bazilirini qurushi , Uyghur xelqining qattiq naraziliqini qozghapla qalmay, ularning milliy örp ‏- aditige qilin'ghan hujum hésablinidighanliqini otturigha qoymaqta. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.