Или областида даириләр "үч хил қанунсизларни тазилаш" баһанисида 19 чәтәлликни қолға алди


2008.01.22
Share on WhatsApp
Share on WhatsApp

Или күндилик гезитиниң -21 январдики хәвиридин ашкарилинишичә, йеқиндин буян или областида һөкүмәт һәмдә сақчи даирилири бирликтә , област буйичә үч хил қанунсизларни тазилаш һәрикити башлиған болуп ,даириләрниң чеградин қанунсиз киргүчиләр, қанунсиз турғучилар, қанунсиз ишлигүчиләрни өз ичигә алған бу хил үчни тазилаш һәрикитидә 19 чәтәллик қолға елинған. Мәлум болушичә , уларниң 17 нәпири “қанунсиз турған”, йәнә икки нәпири “қанунсз ишлигән” дегән баһанә билән қолға елинған болуп бир тәрәп қилинишни күтмәктә икән.

Или областиниң һөкүмәт торида бу һәқтә берилгән хәвәрдин йәниму ениқлинишичә, йеңи йил кириштин бурун или областлиқ һөкүмәт вә сақчи даирилири -2008 йиллиқ олимпикниң мувәппәқийәтлик өткүзүлүшигә капаләтлик қилиш үчүн, барлиқ мәһәллә ‏- комитит , олтурақ районлар вә асасий қатламдики сақчи вә кадирларни ишқа селип , сиясий мәқсәтлик һәрикәт елип бериш үчүн или тәвәсигә йошурун киргән, меһманхана, аилиләрдә туруп, йәни сақчи орунлириға тизимға алдурмай яшаватқан , рухсәтсиз дәрс өтүватқан йәни қанунсиз ишләватқан чәтәлликләрни қатму ‏- қат тосақлар билән ахтуруп тазилаш һәққидә мәхсус һөҗҗәт чүшүрүп иш башлиған болуп, һазирғичә бу үчни тазилаш һәрикити үчүн мәхсус 260адәм күчини ишқа салған. Дуня уйғур қурултейи мәзкүр вәқәдин хәвәр тапқан болуп , сәйшәнбә күни дуня уйғур қурултейи баянатчиси дилшат ришит, радиомиз башлиқ һәр қайси хәлқаралиқ ахбарат орунлириға баянат берип “хитай даирилири һәр йили или вәқәсиниң хатирә күни һарпилирида мушу хил бастуруш һәрикәтлирини күчәйтип кәлгән , бу қетим болупму -2008 йиллиқ олимпикни аман ‏- исән өткүзүшкә капаләтлик қилиш баһанисида аталмиш үчни тазилаш һәрикитини елип бериши, бу җайда сиясий сәргүрлүкни ашуруш йәни или вәқәсини хатириләш йүзисидин бу земинда бирәр вәқәниң қайта йүз берип қелишиниң алдини елиш һәмдә чәтәлниң вә чәтәл мухбирлириниң или вәқәси һәм уйғурларниң әмәлий әһвали һәқиқдә тоғра мәлуматларни игилишиниң алдини елишни мәқсәт қилған . Бу хитай даирилириниң олимпик баһанисида уйғурларға қаратқан түрлүк бесимни күчәйткәндин башқа, ахбарат әркинликини техиму қаттиқ боғуватқанлиқиниң җанлиқ испати” дәп билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт