Ili oblastida da'iriler "üch xil qanunsizlarni tazilash" bahanisida 19 chet'ellikni qolgha aldi


2008.01.22
Share on WhatsApp
Share on WhatsApp

Ili kündilik gézitining -21 yanwardiki xewiridin ashkarilinishiche, yéqindin buyan ili oblastida hökümet hemde saqchi da'iriliri birlikte , oblast buyiche üch xil qanunsizlarni tazilash herikiti bashlighan bolup ,da'irilerning chégradin qanunsiz kirgüchiler, qanunsiz turghuchilar, qanunsiz ishligüchilerni öz ichige alghan bu xil üchni tazilash herikitide 19 chet'ellik qolgha élin'ghan. Melum bolushiche , ularning 17 nepiri “Qanunsiz turghan”, yene ikki nepiri “Qanunsz ishligen” dégen bahane bilen qolgha élin'ghan bolup bir terep qilinishni kütmekte iken.

Ili oblastining hökümet torida bu heqte bérilgen xewerdin yenimu éniqlinishiche, yéngi yil kirishtin burun ili oblastliq hökümet we saqchi da'iriliri -2008 yilliq olimpikning muweppeqiyetlik ötküzülüshige kapaletlik qilish üchün, barliq mehelle ‏- komitit , olturaq rayonlar we asasiy qatlamdiki saqchi we kadirlarni ishqa sélip , siyasiy meqsetlik heriket élip bérish üchün ili tewesige yoshurun kirgen, méhmanxana, a'ililerde turup, yeni saqchi orunlirigha tizimgha aldurmay yashawatqan , ruxsetsiz ders ötüwatqan yeni qanunsiz ishlewatqan chet'elliklerni qatmu ‏- qat tosaqlar bilen axturup tazilash heqqide mexsus höjjet chüshürüp ish bashlighan bolup, hazirghiche bu üchni tazilash herikiti üchün mexsus 260adem küchini ishqa salghan. Dunya Uyghur qurultéyi mezkür weqedin xewer tapqan bolup , seyshenbe küni dunya Uyghur qurultéyi bayanatchisi dilshat rishit, radi'omiz bashliq her qaysi xelq'araliq axbarat orunlirigha bayanat bérip “Xitay da'iriliri her yili ili weqesining xatire küni harpilirida mushu xil basturush heriketlirini kücheytip kelgen , bu qétim bolupmu -2008 yilliq olimpikni aman ‏- isen ötküzüshke kapaletlik qilish bahanisida atalmish üchni tazilash herikitini élip bérishi, bu jayda siyasiy sergürlükni ashurush yeni ili weqesini xatirilesh yüzisidin bu zéminda birer weqening qayta yüz bérip qélishining aldini élish hemde chet'elning we chet'el muxbirlirining ili weqesi hem Uyghurlarning emeliy ehwali heqiqde toghra melumatlarni igilishining aldini élishni meqset qilghan . Bu xitay da'irilirining olimpik bahanisida Uyghurlargha qaratqan türlük bésimni kücheytkendin bashqa, axbarat erkinlikini téximu qattiq boghuwatqanliqining janliq ispati” dep bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.