Xitay kolin powélning béyjingdiki ziyaritide gu'antanamodiki Uyghurlar mesilisini otturigha qoydi


2004-10-29
Share

Amérika tashqi ishlar ministirlikining peyshenbe küni ashkarilishiche, xitay hökümiti tashqi ishlar ministiri kolin powélning béyjingdiki yéqinqi ziyaritide, gu'antanamodiki Uyghurlar mesilisini yene otturigha qoyup, amérika hökümitidin tutqunlarni qayturup bérishni telep qilghan. Bu uchurni amérika tashqi ishlar ministirlikining bayanatchisi richard bochér peyshenbe küni ötküzülgen muxbirlarni kütüwélish yighinida ashkarlidi.

Richard bochér, amérika tashqi ishlar ministiri kolin powél bu heptining bashliri béyjinggha barghanda, xitay terepning gu'antanamodiki Uyghurlarni qayturup bérishni yene telep qilghanliqini ilgiri sürdi. Xitay tashqi ishlar ministirliki kolin powélning ziyaritidin sel ilgiri élan qilghan bayanatida, amérika tashqi ishlar ministiri bilen térrorchiliq mesilisini muzakire qilidighanliqini bildürgen

Biraq richard bochér, amérikining Uyghur tutqunlar mesilisidiki meydanida özgirish bolmighanliqini eskertip, Uyghurlarni qobul qilidighan 3 - bir dölet chiqmisa tutqunlarni jazalimaydighanliqi wedisi bilen béyjing da'irilirige ötküzüp béridighanliqi heqqidiki xewerning rastliqini ret qildi. Bochérning ashkarlishiche, amérika dölet mudapi'e ministirliki Uyghur tutqunlarning yérimidin köprekini qoyup bérishni qarar qilghan. Richard bochér, amérikining bezi döletler bilen tutqunlarni orunlashturush mesilisi boyiche dawamliq söhbet élip bériwatqanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet