Shwétsiye adil abdulhékimning siyasi panahliq iltimasini ret qildi

Shwétsiye köchmenler da'iriliri gu'entanamodin qoyup bérilgen Uyghur musapiri adil abdulhékimning siyasi panahliq iltimasni adilgha buningdin burun albaniyide panahliq bérilgenlik sewebidin qobul qilmidi.
Muxbirimiz erkin xewiri
2008-06-20
Share

 Shwétsiye köchmenler idarisining bayanatchisi kristér liyk peyshenbe küni köchmenler da'irilirining mezkur iltimas toghrisidiki qararini élan qilip, " biz adil abdulhékimning shwétsiyide qélishqa éhtiyaji yoqluqini qarar qilduq. Chünki uninggha alliburun albaniyide panahliq bérilgen," dep körsetti.

Bu yil 33 yashlardiki adil abdulhékim 2006‏ - yili may éyida amérika da'iriliri teripidin güentanamoda 4 yil tutup turulghandin kéyin albaniyige yolgha sélin'ghan. Lékin adilning adwukati sten dé géér, köchmenler da'irilirining adilni ret qilish sewebige qoshulmaydighanliqini bildürdi. U fransiye agéntliqigha bergen bayanatida adil abdulhékimning albaniyide xizmet qilish, singish, yaki a'ilisini élip kélish kélechiki yoqluqi, mana bu seweblerdin shwétsiyide panahliq tiligenlikini eskertti.

Adil abdulhékim buningdin bir qanche ay ilgiri shwétsiyide chaqirilghan bir xelq'ara kishilik hoquq yighinigha qatnishish üchün stokholimgha kelgen bolup, yighindin kéyin albaniyige qaytmaydighanliqini, shwétsiye da'iriliridin panahliq tilep bu yerdiki hedisi bilen jem bolush arzusi barliqini bildürgen idi.

Lékin adil abdulhékimning adwukati adilning sot mehkimisige erz sunidighanliqini bildürdi. Sot mehkimisi adilning erzini körüp chiqishi üchün birer yil waqit kétishi mumkin.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet