Хитай хәвәр агентлиқилири уйғур елидә деһқанларниң кирими һәссиләп ашти дәп көрсәтмәктә


2004-11-23
Share

Шинҗаң статистика идарисиниң йеқинда елип барған тәкшүрүш нәтиҗисидин қариғанда, бу йилниң алдинқи йерим пәслидә уйғур елидики деһқанларниң кирими 1486 йүәнгә йәткән болуп, деһқанларниң кирими илгирикидин һәссиләп ашқан.

Тәңри тағ тор бетиниң 23 - ноябир күнидики хәвиридин мәлум болушичә, деһқанлар кириминиң юқири көтүрүлүши, һөкүмәт сияситиниң яхшиланғанлиқидин дерәк беридикән, болупму һөкүмәтниң деһқанчилиқ мәһсулатлириға қаратқан баҗни кәмәйтиш сиясити, деһқанларниң кириминиң һәссиләп ешишиға йол ачқан икән.

Бирақ, уйғур елидики деһқанларниң турмуш сәвйәсиниң интайин төвән икәнликини илгири сүргән, германийәдә турушлуқ дуня уйғур қурултийиниң баш катипи долқун әйса әпәнди бу хәвәргә тамамән ишәнмәйдиғанлиқини билдүрди.

Истансимизниң һәқсиз телефон линийисидин игилигән мәлуматлиридин қариғандиму, гәрчә һөкүмәт, деһқанларға қаритилған баҗни төвәнләткән болсиму, деһқанлар йәнила өзлириниң намратлиқтин қутулалмайватқанлиқини билдүрмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт