خىتاي ھۆكۈمىتى ئۇيغۇر دېھقانلىرىنىڭ سېلىقىنى تېخىچە يېنىكلەتمىدى


2007.01.24

خىتاي ھۆكۈمىتى 2003 ‏- يىلى دېھقانلارنىڭ سېلىقىنى يېنىكلىتىدىغانلىقىنى جاكارلىغان ئىدى. ئەمما شۇنىڭدىن كېيىنمۇ، ئۇيغۇر دېھقانلىرىنىڭ سېلىقى تېخىچە يېنىكلىمىگەن.

يېقىندا ئۈرۈمچىدە ئېچىلغان ئاپتونوم رايونلۇق 10 ‏- نۆۋەتلىك خەلق قۇرۇلتىيىنىڭ 5 ‏- قېتىملىق يىغىنىدا خوتەن ناھىيىسى تەۋەككۈل يېزىسى تۈز يايلاق تەرەققىيات رايونىدىن سايلانغان خەلق ۋەكىلى روزى ئەمەتنىڭ قىلغان سۆزى بىلەن ئېيقاندا، ئۇيغۇر دېھقانلىرىغا كېرەكلىك بولغان ئەشيالارنىڭ باھاسى يىلدىن - يىلىغا ئۆرلەپ كېتىۋاتىدۇ. 2003 ‏- يىلى بىر خالتا خىمىيىۋىي ئوغۇتنىڭ خوتەندىكى باھاسى 100 يۈەن بولسا، 2007 ‏- يىلىغا كەلگەندە 165 يۈەنگە ئۆرلىگەن. بۇنىڭدىن باشقا يەنە، دېھقانچىلىقتا ئىشلىتىدىغان پىلاستىك يوپۇق، ئۇرۇقلۇق قوناق ۋە چىگىتنىڭ باھاسىدىمۇ چوڭ ئۆزگىرىش بار. ئەمما دېھقانلار ئىشلەپچىقىرىۋاتقان ئاشلىقنىڭ باھاسىدا ئانچە ئۆزگىرىش بولمىغان. (ۋەلى)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.