Хитай һөкүмити уйғур деһқанлириниң селиқини техичә йеникләтмиди


2007.01.24

Хитай һөкүмити 2003 ‏- йили деһқанларниң селиқини йениклитидиғанлиқини җакарлиған иди. Әмма шуниңдин кейинму, уйғур деһқанлириниң селиқи техичә йениклимигән.

Йеқинда үрүмчидә ечилған аптоном районлуқ 10 ‏- нөвәтлик хәлқ қурултийиниң 5 ‏- қетимлиқ йиғинида хотән наһийиси тәвәккүл йезиси түз яйлақ тәрәққият районидин сайланған хәлқ вәкили рози әмәтниң қилған сөзи билән ейқанда, уйғур деһқанлириға керәклик болған әшяларниң баһаси йилдин - йилиға өрләп кетиватиду. 2003 ‏- Йили бир халта химийивий оғутниң хотәндики баһаси 100 йүән болса, 2007 ‏- йилиға кәлгәндә 165 йүәнгә өрлигән. Буниңдин башқа йәнә, деһқанчилиқта ишлитидиған пиластик йопуқ, уруқлуқ қонақ вә чигитниң баһасидиму чоң өзгириш бар. Әмма деһқанлар ишләпчиқириватқан ашлиқниң баһасида анчә өзгириш болмиған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.