Уйғур аптоном районидики даириләр делоң вәқәсини "мувапиқ бир тәрәп қилған"


2005.02.15
Share on WhatsApp
Share on WhatsApp

Хитай мәтбуатлири, уйғур аптоном районлуқ банкиларни назарәт қилиш идарисиниң делоң ширкитиниң мәсилиси кәлтүрүп чиқарған уйғур аптоном райониниң пул - муамилә базиридики боран чапқунни мувапиқ бир тәрәп қилғанлиқини билдүрди.

Делоң вәқәси уйғур аптоном районидики җиншин кридит һәссидарлиқ чәклик ширкити қатарлиқ пул - муамилә органлириға қаттиқ тәсир қилған. "Шинҗаң гезити", аптоном районлуқ банкиларни назарәт қилиш идарисиниң пул - муамилә базиридики давалғушни пәсәйтиш үчүн бәзи чарә - тәдбирләрни алғанлиқини билдүрди. Бу тәдбирләр делоң гуруһидики ака - укилар билән мунасивәтлик ширкәтләрниң пул - муамилә паалийитини тәқип қилиш, ширкәт һәссидарлириниң пул вә тапавитини қайтуруш қатарлиқларни өз ичигә алидикән.

Делоң ширкәтләр гуруһи қанунсиз қәрз елиш вәқәсигә четилип қелип, 2004 - йили 4 - айда вәйран болған. Делоң вәқәси уйғур аптоном районида пул- муамилә базиридики давалғушни кәлтүрүп чиқарған иди.

Делоң мәсилиси уйғур аптоном районида йеқинқи икки йил ичидә йүз бәргән пул - муамилә саһәсидики 2 - чоң вәқә. Буниңдин илгири хитай һөкүмити шинҗаң қолмақ ширкәтләр гуруһи баш мудири әкрәм әйсайопниң мал-мүлкини тоңлитип, униң рухсәтсиз кетип қалғанлиқини елан қилған иди. Бу қетим делоң ширкити қанунсиз қәрз елиш билән әйибләнгән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.