Uyghur élide déhqanlarning yérini yötkep ishlitishke da'ir yéngi belgilime chiqti

Uyghur élidiki déhqanlarning qattiq naraziliqi astida, Uyghur aptunum rayunluq dölet zimin bayliqi nazariti déhqanlarning térilghu yerlirini yötkep ishlitishni tertipke salidighan yéngi belgilime chiqirishqa mejbur boldi.

" Shinjang iqtisadi géziti" ning xewirige qarighanda, yéngi belgilimide, déhqanlarning yérini yötkep ishlitishte choqum aldin uqturush, yerlik xelq qurultiyi yer- zimin tölemlirining bérilishini nazaret qilish, yötkep ishlitilgen térilghu yerlerni bikar tashlap qoymasliq we xalighanche öy- zimin sodisi üchün ishletmeslik qatarliqlar belgilen'gen.

" Yézilardiki yer- ziminni yötkep ishlitish mesilisini hel qilish xizmet lahiyisi" diki belgilimilerge asasen, eger déhqanlarning yerliri yötkep ishlitilgendin kiyin dawamliq türde yéza- igilik ishlepchiqirishi üchün qollinilsa, déhqanlargha bashqa jaylardin heqsiz halda térilghu yer we zimin bölüp bérilidiken. Déhqanlargha yéngi makan'gha orunlishish, dawalinish, nopusqa élish we jem'iyet parawanliqi jehetlerdin étibar bérilidiken.

Uyghur éli yézilirida, hökümet da'iriliri we chirik emeldarlar déhqanlarning yerlirini qalaymiqan tartiwélip, ulargha tigishlik tölem bermeydighan ehwallar köp körülidu. Dunya Uyghur qurultiyining bayanatchisi dilshat rishit, xitay hökümitining yéngi belgilimisini qarshi alidighanliqini, biraq bu belgilime bilen déhqanlarning yer hoqoqining kapaletke ige bolishigha guman bilen qaraydighanliqini bildürdi. (Arzu)