Хитай һөкүмити келәр йилдин башлап уйғур елидә деһқанчилиқ беҗини бикар қилмақчи


2004.11.02
Share on WhatsApp
Share on WhatsApp

Уйғур ели тәңритағ тор бетидин ашкарилинишичә, хитай һөкүмити 2005 - йилидин башлап уйғур елиниң 30 намрат наһийиси вә 15 чегра наһийилиридә деһқанчилиқ беҗини бикар қилидикән.

Бу қарар дүшәнбә күни ечилған уйғур аптонум райони парткоминиң 6 - нөвәтлик омуми йиғининиң 8 - қетимлиқ йиғинида елинған болуп, бу хитайниң деһқанларниң селиқини йениклитиш һәққидики қарари, намрат йезилардики деһқанларниң баҗ селиқини йениклитиш һәққидә чиқарған әң юқири өлчәмдики қарари һесаблиниду.

Радиомизға деһқанларниң инкас қилишиға қариғанда нөвәттә уйғур елидә деһқанларниң тапшуридиған баҗлири он нәччә хил болуп, бәзилири һөкүмәт тәрипидин бекитилгән баҗлар болса йәнә бәзилири йәрлик һөкүмәт орунлириниң өз алдиға чиқиривалған селиқлири болғачқа деһқанлар йил бойи ишләпму намратлиқтин қутулмиған. Уйғур елиниң көплигән наһийилиридики деһқанларниң йиллиқ кирими техи 1000 юәнгә йәтмигән.(Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.