Дилшат ришитниң аяли хитай сақчилириниң сорақ қилишиға учриди


2005-06-08
Share

Дуня уйғур қурултийиниң баянатчиси дилшат ришитниң аяли меһрибан германийидин бейҗиңға барғанда хитай бихәтәрлик даирилири тәрипидин тутуп қелинған. Шундақла хитай сақчилири униң паспортини тартивелип үрүмчидики аилисидә нәзәрбәнткә алған. Йеқинда меһрибан йошурун һалда хоңкоң арқилиқ германийигә келивалған.

Тәйвән мәркизий ахбарат агентлиқиниң мәлум қилишичә, меһрибан 3 - айниң 15 - күни германийидин бейҗиң айрупилан истансисиға йетип кәлгәндә, бир нәччә пуқрачә кийингән хитай бихәтәрлик идарисиниң хадимлири уни удул бир меһманханиға елип кетип, бир һәптигичә униң бу йәргә келиштики мәқсәт-муддиалирини сүрүштә қилған.

Бир һәптидин кейин, бихәтәрлик хадимлири уни үрүмчигә елип келип, аилидә нәзәрбәнткә алған. Кейин меһрибан башқиларниң ярдими билән алған ялған паспорт арқилиқ 6 яшлиқ қизини елип хоңкоңға қечип чиққан һәмдә у йәрдин германийигә тинч-аман чиқивалған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт