Хитай һөкүмити уйғур елидики диний затларни коммунистик аңда тәрбийиләп чиқти


2004-09-30
Share

Хитай һөкүмитиниң уйғур елидики имамларға биринҗи түркүмдә елип барған "вәтәнпәрвәрлик" тәрбийиси пәйшәнбә күни тамамланди.

Шинҗаң телевизийә истансисиниң хәвиридин ашкарилинишичә, йеқинқи үч йилдин боян, хитай һөкүмити биринҗи түркүмдә 10 қарар курс ечип, җәми 7465 нәпәр имамни хитай компартийисиниң сиясәт вә идилогийиси билән тәрбийиләп чиққан.

Хәвәрдин мәлум болишичә, хитай коминистик һөкүмити имамларни тәрбийиләштә, сиясий тәрбийини муһим орунға қойған. Һәр бир қарарда имамларға "хитай компартийиси 16 - қурултийиниң роһий" қатарлиқ тема бойичә 13 қетимлиқ сияси дәрслик, "қоран кәрим" ниң айәтлиригә қандақ тәбир бериш һәққидә 12 қетимлиқ дәрслик орунлаштурған.

Хитай даирилири хәвәрдә йәнә, "уйғур елидә кәң көләмдә елип берилған бу қетимлиқ имамларни тәрбийиләш хизмити җәрянида, динизатларниң милли бөлгүнчиликкә қарши еңи өсти" дәп көрсәткән.

Хитай һөкүмитиниң уйғур елидә имамларға 2001 - йилидин башлап сиясий тәрбийә елип бериши, хәлқара кишилик һоқоқ тәшкилатлири тәрипидин әйиплинип кәлмәктә иди. Хәлқара кәчүрүм тәшкилати бу йил 7 - айда чиқарған доклатида, имамларға сиясий тәрбийә елип беришни, хитай һөкүмитиниң уйғур елидә йүргүзиватқан диний әркинликни дәпсәндә қилиш сиясәтлириниң бир мисали сүпитидә көрсәткән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт