Xitay hökümiti Uyghur élidiki diniy zatlarni kommunistik angda terbiyilep chiqti
2004.09.30
Xitay hökümitining Uyghur élidiki imamlargha birinji türkümde élip barghan "wetenperwerlik" terbiyisi peyshenbe küni tamamlandi.
Shinjang téléwiziye istansisining xewiridin ashkarilinishiche, yéqinqi üch yildin boyan, xitay hökümiti birinji türkümde 10 qarar kurs échip, jem'i 7465 neper imamni xitay kompartiyisining siyaset we idilogiyisi bilen terbiyilep chiqqan.
Xewerdin melum bolishiche, xitay koministik hökümiti imamlarni terbiyileshte, siyasiy terbiyini muhim orun'gha qoyghan. Her bir qararda imamlargha "xitay kompartiyisi 16 - qurultiyining rohiy" qatarliq téma boyiche 13 qétimliq siyasi derslik, "qor'an kerim" ning ayetlirige qandaq tebir bérish heqqide 12 qétimliq derslik orunlashturghan.
Xitay da'iriliri xewerde yene, "Uyghur élide keng kölemde élip bérilghan bu qétimliq imamlarni terbiyilesh xizmiti jeryanida, dinizatlarning milli bölgünchilikke qarshi éngi östi" dep körsetken.
Xitay hökümitining Uyghur élide imamlargha 2001 - yilidin bashlap siyasiy terbiye élip bérishi, xelq'ara kishilik hoqoq teshkilatliri teripidin eyiplinip kelmekte idi. Xelq'ara kechürüm teshkilati bu yil 7 - ayda chiqarghan doklatida, imamlargha siyasiy terbiye élip bérishni, xitay hökümitining Uyghur élide yürgüziwatqan diniy erkinlikni depsende qilish siyasetlirining bir misali süpitide körsetken. (Arzu)