Хитай һөкүмити диний паалийәтләрни контрул қилишни йәниму күчәйтти

2004-11-02
Елхәт
Пикир
Share
Принт

Уйғур елидики хитай һөкүмәт тор бетидин ашкарилинишичә, хитай коммунистик партикоми йеқинда уйғур елиниң һәр қайси вилайәт, наһийилиригә уйғур елидики диний паалийәтчиләргә болған контроллуқини күчәйтиш тоғрисида мәхсус уқтуруш чүшүргән.

Дуня уйғур қурултийи еришкән мәзкур уқтуруш мәзмуниға қариғанда, хитай һөкүмити диний сорунларни қаттиқ назарәт қилиш, йилда тәкшүрүп туруш, қануний тизимға алдуруш, диний затларға вә диний орунларни шәртләргә асасән мукапатлаш қатарлиқ бәлгилимиләр арқилиқ диний сорун һәм диний затларни назарәт қилишни күчәйткәндин башқа, диний паалийәтчиләрниң етиқад паалийәтлириниму мәзкур чәклимиләр арқилиқ контрол қилишни күчәйтидикән.

Хитай һөкүмити уйғур елидә диний паалийәтләргә болған контроллуқини күчәйтиш билән бир пәйттә, һәр қайси саһәдики диний затларни коммунизм еңида тәрбийиләш, уларни хитай һөкүмитиниң диний сиясәтлирини тәшвиқ қилишқа хизмәт қилдуруш үчүн мәхсус курусларни ечип тәрбийилигән.

Мухбирлиримизниң игилишичә, уйғур елиниң бәзи җайлирида йүзини япқан аялларниң яғлиқини мәҗбури ачқузиветидиған, ислам муртлириниң сақал- бурутлирини мәҗбури чүшүрветидиғанға охшаш диний әркинлик вә кишилик һоқуққа дәхли- тәруз қилиш қилмишлири еғирлимақта.(Гүлчеһрә)

Пикирләр (0)
Share
Толуқ бәт