Ақсуда диний затлар сиясий бесимға учримақта

2007-03-07
Елхәт
Пикир
Share
Принт

Хитайниң ақсуда турушлуқ йәрлик һөкүмити уйғур елиниң ақсу вилайити тәвәсидики әл-җамаәт арисида инавити бар 150 нәпәр диний затни йиғивелип тәрбийиләш елип барған. Һәмдә уларға хитай компартийисиниң рәһбәрликини қобул қилиш вә уйғур или әзәлдин хитайниң бир қисми иди дегән уқумни қобул қилиш тоғрисида бесим ишләткән.

Дуня уйғур қурултийиниң баянатчиси дилшат ришитниң тәйвән мәркизи агентлиқиниң мухбириға ийитқанлириға қариғанда, бу диний затлар ақсу вилайитидики сияси мәктәпкә йиғивелинған болуп, улар бу йәрдә 50 күн тәрбийлинидикән.

Дилшат ришит йәнә, уйғур елиниң җәнубиға җайлашқан ақсу вилайиитиниң куча, шаяр вә тоқсу қатарлиқ наһийәлири уйғурлар топлишип олтурақлашқан районлар болуп, бу җайларда уйғурларниң мустәқиллиқни қолға кәлтүрүш һәрикәтлири көп йүз бериду. Шуңа хитай бу җайлардики диний затларни йиғивелип мәхсус тәрбийиләш илип барған, дәйду.

Дилшат ришитниң қаришичә, хитай һөкүмитиниң уйғур диний затларға хитай компартийисиниң рәһбәрликини қобул қилиш тоғрисида бисим ишлитиши, диний етиқад әркинликигә дәхли-тәрүз қилғанлиқ болуп, хитай һөкүмити бу қилмишлирини дәрһал тохтитишини кирәк икән. Дилшат ришит йәнә, америка дөләт мәҗлиси түнүгүн илан қилған "дуня инсан һәқлири доклати ' да хитай һөкүмитиниң уйғурлар үстидин бастуруш илип бериватқанлиқини тилға алғанлиқини оттуриға қойди һәм хитай һөкүмити бу доклатниң мәзмуниға җиддий муамилә қилип, уйғурларниң һәқ-һоқуқлири мәсилисини өзгәртиши кирәк деди. (Җүмә)

Пикирләр (0)
Share
Толуқ бәт