Aqsuda diniy zatlar siyasiy bésimgha uchrimaqta


2007-03-07
Share

Xitayning aqsuda turushluq yerlik hökümiti Uyghur élining aqsu wilayiti tewesidiki el-jama'et arisida inawiti bar 150 neper diniy zatni yighiwélip terbiyilesh élip barghan. Hemde ulargha xitay kompartiyisining rehberlikini qobul qilish we Uyghur ili ezeldin xitayning bir qismi idi dégen uqumni qobul qilish toghrisida bésim ishletken.

Dunya Uyghur qurultiyining bayanatchisi dilshat rishitning teywen merkizi agéntliqining muxbirigha iyitqanlirigha qarighanda, bu diniy zatlar aqsu wilayitidiki siyasi mektepke yighiwélin'ghan bolup, ular bu yerde 50 kün terbiylinidiken.

Dilshat rishit yene, Uyghur élining jenubigha jaylashqan aqsu wilayi'itining kucha, shayar we toqsu qatarliq nahiyeliri Uyghurlar topliship olturaqlashqan rayonlar bolup, bu jaylarda Uyghurlarning musteqilliqni qolgha keltürüsh heriketliri köp yüz béridu. Shunga xitay bu jaylardiki diniy zatlarni yighiwélip mexsus terbiyilesh ilip barghan, deydu.

Dilshat rishitning qarishiche, xitay hökümitining Uyghur diniy zatlargha xitay kompartiyisining rehberlikini qobul qilish toghrisida bisim ishlitishi, diniy étiqad erkinlikige dexli-terüz qilghanliq bolup, xitay hökümiti bu qilmishlirini derhal toxtitishini kirek iken. Dilshat rishit yene, amérika dölet mejlisi tünügün ilan qilghan "dunya insan heqliri doklati ' da xitay hökümitining Uyghurlar üstidin basturush ilip bériwatqanliqini tilgha alghanliqini otturigha qoydi hem xitay hökümiti bu doklatning mezmunigha jiddiy mu'amile qilip, Uyghurlarning heq-hoquqliri mesilisini özgertishi kirek dédi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.