Инглизчә чиқидиған "җәнубий хитай әттигәнлик гезити" чаршәнбә күни найлин чоуниң (Nailene Chou) ниң қәшқәрдики зияритидин кейин, уйғурларниң диний әркинлик әһвали һәққидә язған бир парчә мақалисини елан қилди.
Аптор мақалисиниң бешида қәшқәрдики һейткаһ мәсчити қатарлиқ қәдимий җайлар вә нөвәттики қәшқәр көрүнүшлирини сүпәтләп келип, бу йәрдики уйғурларниң һәрқандақ хилдики диний паалийәт яки қаршилиқлириниң хитай һөкүмити тәрипидин қаттиқ бастурилидиғанлиқини язған.
Мақалида йәнә, гәрчә хитай һөкүмити диний әркинликни шундақ контрол қилсиму, лекин бу йәрдә йәнила йәр асти диний мәктәпләрниң давамлиқ мәвҗут болуп туруватқанлиқи көрситилгән.
Аптор мақалисидә, хитайниң хәлқара террорлуққа қарши күрәштин пайдилинип, уйғурларни бастуруш қәдимини тезлитиватқанлиқи һәққидә тохтилип, "қаттиқ зәрбә бериш һәрикити" ниң буниң типик мисали икәнликини тәкитлигән.
Җәнубий хитай әттигәнлик гезитидә елан қилинған бу мақалидә йәнә, хитайниң уйғурларни бастуруш үчүн оттура асиядики қошна дөләтләр билән болған һәмкарлиқни күчәйткәнлики шундақла хитай әмәлдарлириниң, иқтисадниң тәрәққий қилишиға әгишип, уйғурларниң техиму көп диний әркинлик тәләп қилишидин әндишә қилидиғанлиқи йезилған. (Пәридә)
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Хәлқара диний әркинлик алий кеңишидә чақниған уйғур мәсилиси (нәзәр 74-сан)
