Xitay hökümiti diniy erkinlikini boghush jeryanida ölgen bir Uyghurning "shereplik" qurban bolghanliqini élan qildi


2005.07.15
Share on WhatsApp
Share on WhatsApp

Xitay kompartiyisi, diniy ibadet erkinlikini boghqanliqi üchün dindar Uyghurlar teripidin öltürülgen xotenning qaraqash nahiyisidiki kent kadiri metsalixan exmetni " sherep bilen qurban bolghan" ülgilik kompartiye ezasi, dep élan qildi.

Xitay hökümiti sherqiy türkistan küchlirini 1990 - yillardin béri béyjingperes diniy zatlargha süyiqest qilish bilen eyiblimekte idi. Emma metsalixan exmet, qaraqash nahiyisidiki puqralarning meschit sélip, diniy - ibadet emirini orunlishigha qarshi chiqqanliqi üchün öltürülgen.

"Shinjang géziti" ning xewer qilishiche, bu yil 52 yashtiki metsalixan exmet qaraqash nahiyisidiki bir kentning partkom sékritari bolup, kenttiki puqralarning meschit sélishigha qarshi chiqqanliqi üchün, mezkur kenttiki ikki Uyghur teripidin bu yil 2 - ayda öltürülgen.

Uyghur aptonom rayoni partkomining zuwani "shinjang géziti", jüme küni metsalixan exmet toghrisida maqale élan qildi. "Shinjang géziti" ning ashkarilishiche, metsalixan exmet bilen birge, shu kentning jama'et xewpsizlik ishlirigha mesul xadimimu öltürülgen. Emma "shinjang géziti" bu weqe munasiwiti bilen qanchilik kishining qolgha élin'ghanliqini shundaqla metsalixan exmetni öltürüsh bilen eyiblen'gen ikki Uyghurning aqiwiti toghrisida toxtalmidi.

Xitay asasi qanunida puqralarning diniy ibadet erkinlikige igiliki tekitlen'gen, emma xitay hökümiti puqralaqning diniy ibadet erkinlikini boghush bilen eyiblenmete. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.