Қизилсу области барлиқ диний өлималарниң салаһийитини қайта тәкшүрүп бекитмәкчи


2005-09-01
Share

Шәрқий түркистан учур мәркизиниң хәвәр қилишичә, қизилсу қирғиз аптоном области йеқинда пүтүн област бойичә барлиқ диний өлималарниң салаһийитини қайта тәкшүрүп бекитиш хизмитини башлайдикән.

Бу хәвәр йәнә, қизилсу қирғиз аптоном областиниң һөкүмәт тор бәтлиридиму елан қилинған болуп, униңда көрситилишичә, бу тәкшүрүш хизмити асаслиқи қизилсу областидики һәр қайси наһийә вә йеза мәсчитлириниң хатип - имамлириға қаритилған.

Мәзкур тәкшүрүп бекитиш хизмити бойичә, һөкүмәт бу йәрдики барлиқ диний өлималардин язмичә вә йүз туранә параңлишиш қатарлиқ икки хил усулда имтиһан алидикән. Шундақла һәр иккила имтиһандин өткәнләр йәнә, шулар қарашлиқ районлардики амминиң пикри, йеза-базарлиқ бирликсәп диний ишлар ишханиси һәмдә наһийә, шәһәр дәриҗилик бирликсәп диний ишлар органлириниң тәстиқидин өтиши керәк икән. Ахирқи басқучта йәнә, юқарқи синақларниң һәммисидин өткән өлималар, областлиқ бирликсәп хизмәт рәһбәрлик гурупписиниң ахирқи тәстиқидин кейин, андин областлиқ ислам бирләшмиси даимий һәйәт комитети уларға диний өлималиқ лаяқәт кенишкисини беридикән.

Бу тәкшүрүшләрниң бирәрсидин өтәлмигәнләргә лаяқәтлик кенишкиси берилмәйдикән һәмдә уларниң диний тәлим-тәрбийә бериш һоқуқи болмайдикән. Шәрқий түркистан учур мәркизи имтиһан мәзмунлириниң, хитай тарқатқан "шинҗаңниң тәрәққияти намлиқ ақ ташлиқ китаб" вә "шинҗаң тарихи" китаблиридин елинидиғанлиқини ейтти һәмдә буниң уйғур елидики диний өлималарға қилинған бир чоң һақарәт һесаблинидиғанлиқини билдүрди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт