Qizilsu oblasti barliq diniy ölimalarning salahiyitini qayta tekshürüp békitmekchi


2005-09-01
Share

Sherqiy türkistan uchur merkizining xewer qilishiche, qizilsu qirghiz aptonom oblasti yéqinda pütün oblast boyiche barliq diniy ölimalarning salahiyitini qayta tekshürüp békitish xizmitini bashlaydiken.

Bu xewer yene, qizilsu qirghiz aptonom oblastining hökümet tor betliridimu élan qilin'ghan bolup, uningda körsitilishiche, bu tekshürüsh xizmiti asasliqi qizilsu oblastidiki her qaysi nahiye we yéza meschitlirining xatip - imamlirigha qaritilghan.

Mezkur tekshürüp békitish xizmiti boyiche, hökümet bu yerdiki barliq diniy ölimalardin yazmiche we yüz turane paranglishish qatarliq ikki xil usulda imtihan alidiken. Shundaqla her ikkila imtihandin ötkenler yene, shular qarashliq rayonlardiki ammining pikri, yéza-bazarliq birliksep diniy ishlar ishxanisi hemde nahiye, sheher derijilik birliksep diniy ishlar organlirining testiqidin ötishi kérek iken. Axirqi basquchta yene, yuqarqi sinaqlarning hemmisidin ötken ölimalar, oblastliq birliksep xizmet rehberlik guruppisining axirqi testiqidin kéyin, andin oblastliq islam birleshmisi da'imiy hey'et komitéti ulargha diniy ölimaliq layaqet kénishkisini béridiken.

Bu tekshürüshlerning birersidin ötelmigenlerge layaqetlik kénishkisi bérilmeydiken hemde ularning diniy telim-terbiye bérish hoquqi bolmaydiken. Sherqiy türkistan uchur merkizi imtihan mezmunlirining, xitay tarqatqan "shinjangning tereqqiyati namliq aq tashliq kitab" we "shinjang tarixi" kitabliridin élinidighanliqini éytti hemde buning Uyghur élidiki diniy ölimalargha qilin'ghan bir chong haqaret hésablinidighanliqini bildürdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet