Merkizi axbarat agéntliqi: shinjangda Uyghur yashlirining meschitke kirishige ruxset qilinmaydu

Melum bir meschitning témigha chaplan'ghan belgilime. Chongaytip körüng

Teywen merkizi axbarat agéntliqi peyshenbe küni xewer élan qilip, 11‏- sintebir weqesidin kéyin xitay hökümitining Uyghur aptonom rayonida 18 yashtin töwen Uyghurlarning meschitke kirip namaz oqushini pütünley chekligenlikini bildürdi.

Xewerde tekitlishiche, xitay hökümiti 11 - sintebir weqesidin kéyin térrorluq we diniy esebiylikke qarshi turushni bahane qilip, shinjangda Uyghurlarning islami étiqad erkinlikige ziyankeshlik qilmaqta. Merkizi axbarat agéntliqi, " junggoning shinjangda yolgha qoyghan asasliq usuli 18 yashqa toshmighanlarning din'gha étiqad qilishigha yol qoymasliq, namaz oqushini chekleshtur " deydu.

Xitay asasiy qanunida puqralarning diniy étiqad erkinliki bar, dep belgilen'gen bolsimu, emma xitay da'iriliri 11 - sintebir weqesidin kéyin Uyghur aptonom rayoni boyichemexsus uqturush chiqirip," on sekkiz yashtin töwenler, ayallar, dölet - ishchi xizmetchiliri, partiye ezaliri"ning meschitke kirip namaz oqushigha bolmaydighanliqini élan qilghan.

Merkizi axbarat agéntliqining eskertishiche, rayondiki her qaysi meschit imamliri her küni namazgha kelgen kishilerning yéshi, jinsi, xizmiti we namazxanlarning sani toghrisida hökümet da'irilirige melumat bérishi kérek iken. Merkizi axbarat agéntliqi, " bu xil közitish meschitke baridighan Uyghurlargha zor rohi bésim shekillendürüp, meschit imamliri bilen musulmanlarning munasiwitini yiraqlashturush rolini oynimaqta "deydu.

Qeshqer héytka meschitining bir imami ilgiri bu siyasetni aqlap, " yashlarning namaz oqushini cheklesh ularning dersini yaxshi üginishi üchün" dégen idi. Xelq'ara kishilik hoquqni közitish teshkilati ötken yili élan qilghan Uyghurlar heqqidiki doklatida, xitay hökümitini, islam diniy Uyghurlarning milli kimliki bilen zich munasiwetlik dep qarap, ularning diniy étiqadini cheklimekte, dep tenqidligen. (Erkin)