Aptonum rayonluq hökümet, yash - ösmürlerge bolghan étiqad terbiyisini kücheytti

Xitay hökümitining Uyghur aptonum rayon'gha mu'awin partkom sékritari qilip békitken emeldari nu rbekri" ewladlargha köngül bölüsh yighini" da söz qilip,ijtima'i, siyasiy muqimliqni saqlashni alahide tekitligen.

Tengritagh torining 27 ‏- april küni bergen xewiride , nur bekrining yighinda qilghan sözi élan qilin'ghan bolup, nur bekri eynen mundaq digen: ewladlargha köngül bölüshke mes'ul her derijilik xizmet komitétliri choqum islahat, muqimliq we tereqqiyatni qoghdashni omumiy chiqish qilip, yash - ösmürler arisida ghaye, étiqad terbiyisini keng,chongqur qanat yaydurup, ijtima'i, siyasiy muqimliqni qoghdap, aptonom rayonimizning türlük ishlirining öngushluq tereqqi qilishigha kapaletlik qilishni yaxshi rohi medet we idiyiwi asas bilen temin étish kérek"

Dunya Uyghur qurultiyining bayanatchisi dilshat rishit ependi istansimizning ziyaritini qobul qilip, nur bekrining sözlirige qarita öz naraziliqini bildürüdi.

Dilshat rishit sözide: héchqachan Uyghurlargha wekillik qilalmaydighan xitay hökümitining ghalchisi nur bekrining ijtima'i, siyasiy muqimliq digini, xitay hökümitining siyasiti astida behrimen bolushqa tigishliq hoquqliridin mehrum halda yashashni körsitidu. Shunga xitay hökümiti nur bekrige oxshash kishilirini ishqa sélip, Uyghur ewladlirigha qaratqan terbiyilesh siyasitini kücheytidu. Démek ular, Uyghur ewladliridin qattiq endishe qilghanliqi üchün namda " ewladlargha köngül bölüsh" dégenni jar sélip , emeliyette yash ‏- ösmürlerning idiyisini kichikidin özlirige étiqad qilidighan haletke keltürüsh üchün tirishidu" dédi . (Eqide)