ياۋرۇپا پارلامېنتى خىتايدىكى دىنىي ئەركىنلىك توغرىسىدا مۇخبىرلارنى كۈتىۋېلىش يىغىنى ئاچتى


2006.06.01
Share on WhatsApp
Share on WhatsApp

ياۋرۇپا پارلامېنتى 31 ‏- ماي كۈنى، برۇكسېلدا، خىتايدىكى دىنىي ئەركىنلىك دېگەن تېمىدا مۇخبىرلارنى كۈتىۋېلىش يىغىنى چاقىردى.

دۇنيا ئۇيغۇر قۇرۇلتىيى باش كاتىپلىقىنىڭ 1 ‏- ئىيۇن بەرگەن خەۋىردىن مەلۇم بولۇشىچە، مۇخبىرلارنى كۈتىۋېلىش يىغىنىغا دۇنيا ئۇيغۇر قۇرۇلتىيى رەئىسى ئەركىن ئالپتېكىن ۋە تىبەتنىڭ دىنىي داھىسى دالاي لامامۇ قاتناشقان بولۇپ، مەزكۈر يىغىندا ئەركىن ئالپتېكىن ئۇيغۇرلارنىڭ 55 يىلىدىن بېرى، يالغۇز دىنىي ئەركىنلىك جەھەتتىلا ئەمەس بەلكى خىتاي ھۆكۈمىتىنىڭ مائارىپنى خىتايچىلاشتۇرۇش، پىلانلىق تۇغۇت سىياسىتىنىڭ قۇربانى بولۇپ كېلىۋاتقانلىقىنى پاش قىلغان.

ئەركىن ئالپتېكىن يىغىنغا قاتناشقان ياۋرۇپا پارلامېنتىنىڭ رەھبەرلىرىگە باشقا مۇخبىر ۋە ۋەكىللەرگە شەرقىي تۈركىستاننىڭ ۋەزىيىتى بايان قىلىنغان يازما ماتېرىياللارنى تارقاتقان.

ياۋرۇپا پارلامېنتى تەرىپىدىن ئېچىلغان مۇخبىرلارنى كۈتىۋىلىش يىغىنىغا يەنە، تىبەت ، فالوڭگۇڭ ۋەكىللىرى قاتنىشىپ، خىتاينىڭ ئوخشاشلا ئۆزلىرىنىڭ كىشىلىك ھوقۇقى ۋە دىنىي ئەركىنلىكىنى دەپسەندە قىلىۋاتقانلىقىنى بىلدۈرگەن. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.