Шаярда бир яш мудәррис балиларға қуран үгәткәнлики үчүн қолға елинди


2006-08-08
Share

Уйғур аптоном райониниң шаяр наһийисидә бу йил 35 яшлардики бир мудәррис язлиқ тәтилдин пайдилинип балиларға қуран үгәткәнлики үчүн хитай даирилири тәрипидин қолға елинған.

Дуня уйғур қурултийиниң сәйшәнбә күни ашкарилишичә, шаяр наһийисиниң қойлар йезисида олтурудиған тунияз зордун исимлик бир яш мудәррис, язлиқ тәтилдин пайдилинип мәһәллисидики 10 дәк балини йиғип өйидә қуран курси ачқан. Лекин буниңдин хәвәр тапқан сақчилар тунияз зордунниң өйигә бесим кирип, яш мудәррисни вә қуран савади чиқириватқан балиларни тутуп кәткән.

Дуня уйғур қурултийи баянатчиси дилшат ришит, балиларниң ата - анисиға 1000 йүәндин 2000 йүәнгичә җәриманә қоюлғандин кейин балилар қоюп берилгәнликини, лекин тунияз зордунниң қолға елинғанлиқини билдүргән болсиму, лекин бу вәқәниң қачан йүз бәргәнликини тилға алмиди.

Дилшат ришитниң әскәртишичә, даириләр тунияз зәрдун үстидин йеқинда сот ачмақчи икән. Дилшат ришитниң әскәртишичә, "тунияз зордунниң аилисидики туниязға узун - муддәтлик қамақ җазаси берилсә, аилисиниң вәйран болуп кетишидин әнсиримәктә," икән. У," шәрқий түркистанда диний әркинликни өз ичигә алған әң асаси кишилик һоқуқни дәпсәндә қилиш хитай даирилириға нисбәтән нумус қилмайдиған адәттики бир нәрсигә айлинип қалди," дәйду.

Җоңго даирилири уйғураптоном районида һөкүмәт контрол қилмиған һәр қандақ диний интилишни "қанунсиз диний паалийәтләр," дәп әйиплимәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт