Хитай уйғур елидә йәр асти христиан җәмийити муритлирини қолға елип бир мәзгилдин кейин қоюп бәргән


2006.12.01

Хитай җамаәт хәвпсизлик даирилири бу йил 10 - айда уйғур райониниң қорғас наһийисидә 4 нәпәр йәр асти аилә христиан җәмийити муритлирини қолға елип 33 күн тутуп турғандин кейин қоюп бәргән. Христиан муритлар қоюп берилгәндин кейин хитай җамаәт хәвпсизлик даирилириниң өзлиригә ғәйри инсаний муамилидә болғанлиқини әйиблиди.

Бу йил 10 - айниң - күни йәр асти аилә христиан җәмийитиниң 30 нәччә нәпәр мурити йиғилип ибадәт қиливатқанда қорғас наһийилик җ х идарисиниң сақчи понкитидики хадимлар ибадәт өткүзүватқан җайни қоршап, муритларниң һәммиси сақчиханиға елип барған. Тутқунларниң көп қисими бир - икки күн ичидә қоюп берилгән болсиму, лекин сақчилар 4 нәпәр христиан муритини "қанунсиз диний йиғилиш өткүзүш" билән әйибләп 11 - айниң 22 - күнигичә солап қойған.

Тутқунға учриған муритлар радиомизға бир ай тутуп турулуш җәрянида сақчиларниң кәмситишигә учриғанлиқини вә өзлиригә "ғәйри инсаний" муамилидә болғанлиқини шикайәт қилди.

Христиан диний уйғур аптоном районидики хитай көчмәнлириниң ичидә тез кеңийиватқан дин һесаблиниду. Көзәткүчиләрниң әскәртишичә, хитай һөкүмити христиан муритилирини мәлум мәзгилдин кейин қоюп бәрсиму, диний паалийәт билән шуғулланған мусулман уйғур диний затлирини узун - муддәт қамақ җазалириға һөкүм қилмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.