Xitay Uyghur élide yer asti xristi'an jem'iyiti muritlirini qolgha élip bir mezgildin kéyin qoyup bergen

Xitay jama'et xewpsizlik da'iriliri bu yil 10 - ayda Uyghur rayonining qorghas nahiyiside 4 neper yer asti a'ile xristi'an jem'iyiti muritlirini qolgha élip 33 kün tutup turghandin kéyin qoyup bergen. Xristi'an muritlar qoyup bérilgendin kéyin xitay jama'et xewpsizlik da'irilirining özlirige gheyri insaniy mu'amilide bolghanliqini eyiblidi.

Bu yil 10 - ayning - küni yer asti a'ile xristi'an jem'iyitining 30 nechche neper muriti yighilip ibadet qiliwatqanda qorghas nahiyilik j x idarisining saqchi ponkitidiki xadimlar ibadet ötküzüwatqan jayni qorshap, muritlarning hemmisi saqchixanigha élip barghan. Tutqunlarning köp qisimi bir - ikki kün ichide qoyup bérilgen bolsimu, lékin saqchilar 4 neper xristi'an muritini "qanunsiz diniy yighilish ötküzüsh" bilen eyiblep 11 - ayning 22 - künigiche solap qoyghan.

Tutqun'gha uchrighan muritlar radi'omizgha bir ay tutup turulush jeryanida saqchilarning kemsitishige uchrighanliqini we özlirige "gheyri insaniy" mu'amilide bolghanliqini shikayet qildi.

Xristi'an diniy Uyghur aptonom rayonidiki xitay köchmenlirining ichide téz kéngiyiwatqan din hésablinidu. Közetküchilerning eskertishiche, xitay hökümiti xristi'an muritilirini melum mezgildin kéyin qoyup bersimu, diniy pa'aliyet bilen shughullan'ghan musulman Uyghur diniy zatlirini uzun - muddet qamaq jazalirigha höküm qilmaqta. (Erkin)