Хитай һөкүмити диний затларни өз хаиши бойичә тәрбийәләватқанлиқини билдүрмәктә


2006-12-14
Share

Хитай һөкүмитиниң уйғур елиға бекиткән әмәлдари ваң лечүән 13 ‏- декабир күни, уйғур илидики диний затларниң партком, хәлқ һөкүмитиниң толуқ мүәййәнләштүрүши вә етирап қилишға еришкәнликини билдүрди.

Хитай мәтбуатлирида ашкарилинишичә, аптоном район һөкүмити, бир йил ичидә 10 нәччә қарарлиқ вәтәнпәрвәр диний затларни тәрбийиләш курси уюштуруп, һазирға қәдәр 6 миң 800 дин көпрәк диний затни, вәтәнпәрвәр диний зат қилип тәрбийилигән.

Ваң лечүән сөзидә " вәтәнпәрвәр диний затлар динни сотсиялизимға маслаштуруш җәһәттики ролини паал җари қилдуруп, динға етиқад қилидиған аммини йетәкләп, инақ болған шинҗаң қуруш үчүн төһпә қошуши керәк" дегән.

Хәлқара кишилик һоқуқ тәшкилатлири, хитай һөкүмитини изчил түрдә пуқраларниң диний әркинликигә тосқунлиқ қилмақта дәп әйибләп кәлмәктә. Чәтәлләрдә паалийәт елип бериватқан уйғур тәшкилатлириму, хитайниң" динний сотсиялизимға маслаштуруш, диний затларни һөкүмәт үчүн, шинҗаңниң муқимлиқи үчүн хизмәт қилдуруш" дигән шуарлирини қаттиқ әйибләп, буниң дәл динни коммунистик партийә түзүмигә тәдбиқлаш, болупму диний қаидә йосунларни бузуп, динни партийә үчүн хизмәт қилидиған қоралға айландурувалғанлиқини билдүрмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.