Xitay kompartiyisi Uyghur élide milliy hem diniy ishlarni bashqurushni yenimu kücheytmekchi

Uyghur aptonum rayoni hökümet tor bétidin ashkarilinishiche, ötken jüme küni échilghan Uyghur aptonum rayonluq partkom birlik sep yighinida asasliq milliy hem diniy ishlargha bolghan bashqurushni kücheytish tekitlen'gen.

Yighinni bashqurghan aptonum rayonluq partkom mu'awin re'isi nur bekri, partkom birlik sépining ötken yilliq xizmiti heqqide xulase bérip, "ötken bir yilda biz milliy ishlarni hemmidin muhimi diniy ishlarni eng muhim xizmet süpitide tutup ishlep, wetenperwer diniy zatlarni terbiyilesh bilen siyasiy terbiyini birleshtürüp boshashturmay élip barghachqa Uyghur aptonum rayonining muqimliqini ishqa ashurushta netije hasil qilduq. Bundin kéyinki xizmettimu buni hergiz boshashmay dawamlashturishimiz kérek" dégen.

Yighinda yene aptonum rayonluq partkomning birlik sep xizmiti heqqidiki qarari otturgha qoyulghan bolup buningda, wetenperwer dinniy zatlarni terbiyilesh hemde milliy kadirlarni siyasiy ang jehettin terbiyileshni muqimliqtiki eng muhim xizmet süpitide tutup ishlesh, qanunsiz diniy pa'aliyetlerge zerbe bérishni qet'iy dawamlashturush qatarliqlar tekitlen'gen.

Xitay da'irliri islam dini we bashqa din'gha étiqat qilghuchilarni qattiq basturup kéliwatqan bolup, nöwette xitay xelq'araliq kishilik teshkilatliri teripidin kishilik hoquq we diniy erkinliki eng éghir depsende qiliniwatqan dölet qatarida eyibplenmekte. (Gülchéhre)