Хитай диний саһәгә қаратқан бесимини йәниму күчәйтмәктә


2007.07.17
Share on WhatsApp
Share on WhatsApp

Хитай даирилири йеқиндин буян, диний саһәдики уйғурларға қаратқан назарәт хизмитини күчәйткән болуп, болупму тарқақ һәҗ қилиш паалийитини қәтий чәкләшни алаһидә муһим хизмәтләр қатариға киргүзгән.

Хитай хәвәр агентлиқлириниң хәвәрлиридин ашкарилинишичә, хитайниң бу һәқтики йолйоруқида , аптоном районлуқ сиясий кеңәшни ишқа селип, диний саһәдики уйғурлар билән сөһбәт өткүзүш арқилиқ, уларниң ролини яхши җари қилдуруш, буниң билән вәтәнниң бирлики вә җәмийәтниң муқимлиқини қоғдаш, бөлгүнчилик вә қанунсиз диний һәрикәтләргә зәрбә берип, динға ишинидиған аммиға нормал диний паалийәтләр билән қанунсиз диний паалийәтләрниң пәрқини тоғра чүшәндүрүш шуниңдәк мәзкүр хизмәтни алаһидә муһим вәзипә дәп иҗра қилиш тәкитләнгән.

Гәрчә уйғур мусулманлири һәҗ қилишни арзу қилсиму , әмма көплигән мосулманлар һөкүмәтниң һәҗ чәклимисигә учрап, йилда бир қетим келидиған һәҗ ибадитидин мәһрум қалмақта.

Һәҗ қилиш имканийитигә еришәлмигән уйғурлар, башқа дөләтләр арқилиқ һәҗ визисигә игә болуш үчүн чәтәлләргә чиқмақта, уларниң чәтәлләрдә һәҗ визисигә еришш йолида елип бериватқан һәрикәтлири, хитайниң кишилик һоқуқ хатирисиниң начарлиқини ашкарилап ташлиғанлиқи үчүн , хитай тарқақ һәҗ қилишни қәтий тосуш сияситини оттуриға қоюп, уйғурларниң паспортлирини йиғивалған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт