Ürümchide milliy diniy zatlar muhakime yighini ötküzüldi
2006.07.30
27- Iyul küni ürümchide milliy diniy zatlar muhakime yighini ötküzülüp, yighin'gha qatnashquchilar, qandaq qilip diniy zatlarning rolini yaxshi jari qildurush we hökümet orunlirigha yardemliship milliy diniy zatlar xizmitini yaxshi élip bérish mesililiride muzakirileshti.
Shinjang xewer torining melum qilishiche, yighinda her milletlik diniy zat wekilliri söz qilip, buningdin kéyin ularning özligidin sheherlik hökümetke yardemliship, jem'iyetning siyasiy muqimliqini we diniy sahening muqimliqini qoghdashqa tirishidighanliqini, shundaqla milletler ittipaqliqi, dinlar arisidiki inaqliq we siyasiy tinchliqni qolgha keltürüshte aktip rol oynaydighanliqini bildürgen.
Yighin'gha qatnashqan ürümchi sheher bashliqi néyim yasin her millet diniy zatlirigha teshekkür éytish bilen birge, milletler diniy xizmitining partiye we döletning uzun mezgillik tinch-muqimliqini kapaletke ige qilidighan muhim amil ikenlikini bildürdi. U yene, munasiwetlik orunlarning diniy ishlarni bashqurush qanun-tüzülmisi boyiche ish tutup, bu jehettiki bashqurushni kücheytish kéreklikini tekitligen.
Bu yighin'gha milliy diniy ishlar idarisidin sirt yene, jama'et xewpsizlik idarisi we sehiye idariliridiki munasiwetlik mes'ul xadimlar qatnashqan. Uyghur közetküchiler, xitay hökümitining Uyghurlargha heqiqiy diniy erkinlik bermeywatqanliqini hemde her yili dégüdek Uyghur élidiki diniy zatlargha tülük siyasiy öginishlerni élip bérip, ularni xitay kommunist partiyisi üchün xizmet qilishqa ündewatqanliqini ilgiri sürmekte. (Peride)
Munasiwetlik maqalilar
- Xitayda imam - xatiplargha layaqetlik kinishkisi élish ölchimi qoyuldi
- Aptonum rayonluq hökümet, yash - ösmürlerge bolghan étiqad terbiyisini kücheytti
- Ismayil tiliwaldi: chégra halqighan diniy küchlerning singip kirishige qet'iy qarshi turimiz
- Wang léchüen atizm terbiyisini kücheytishni tekitlidi
- Uyghur aptonom rayonida yer asti xiristyan chérkawlirigha qarshi tazilash élip bérilghan