Xitay hökümiti qizilsu oblastida bu yil yene 420 diniy zatni "wetenperwer " qilip terbiyilimekchi


2007-04-08
Share

Qizilsu aptonum oblastining hökümet tor bétide -6 april bérilgen xewerdin ashkarilinishiche, atushta 2007 - yilliq wetenperwer diniy zatlarni terbiyilesh kursining ikkinchi nöwetliki resmiy ders bashlighan bolup, qizilsuning bir sheher hem üch nahiyidin kelgen 70 neper islam diniy ölimaliri xitayning diniy siyasetliri hemde wetenperwerlik telimlirini almaqta iken.

Qizilsu oblastliq partkom, milliy ishlar komitéti, siyasiy mektep qatarliq orunlar bu yil mushundaq kurstin töt qétim échishni pilanlighan bolup, qizilsu teweside jem'iy 420 neper islam diniy zatlirini wetenperwer diniy zat qilip terbiyileshni ishqa ashuridiken.

Yéqindin buyan Uyghur élining bashqa jayliridimu mushuninggha oxshash kurslar yenimu köp échilishqa bashlighan. Shundaqla bu kurslargha qatnishiwatqan diniy ölimalargha xitay hökümitining, üch xil küchlerge qarshi teshwiqatidin bashqa az sanliq milletlerge qarita pilanliq tughut siyasitini meschit we diniy sorunlarda teshwiq qilish wezipiliri yüklen'gen.

Yéqinda Uyghur aptonum rayonluq pilanliq tughut komitétining partkom sékrétari, Uyghur élide, islam dinigha étiqad qilidighan az sanliq milletlerge pilanliq tughut siyasitini yürgüzüshte wetenperwer diniy zatlardin ünümlük paydilinish kérek dep otturgha qoyghan idi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet