Xitayning Uyghur déhqanlarni xitay ölkilirige yötkesh siyasiti izchil dawamlashmaqta
2007.06.28
Xitay hökümiti Uyghur déhqanlirini xitay ölkilirige yötkesh qedimini téximu tézlitish üchün, sheher, nahiye we yézilar buyiche mexsus terbiyilesh bazilirini qurup, déhqanlargha siyaset, qanun we xitay tili ögitish xizmitini kücheytmekte.
Xitay axbarat wastilirining yéqinda élan qilghan xewiride körsitilishiche , aqsu shehiridiki déhqanlar bu yil 5 - aydin bashlap terbiyilinish bazilirida hökümetning qanun siyasitini shuningdek xitay tilini öginish kurslirigha qatnashturulghan bolup, mezkür kurs yil axirighiche 11 ming 800 déhqanni terbiyilesh bilen birge, 8 ming 300 déhqanni xitaygha ölkisige yötkesh hazirliqini élip baridiken.
Xewerde éytilishiche, bundaq qilishtiki asasiy meqset déhqanlarni namratliqtin qutuldurush we ularning xitay ölkiliride ish tépip ishlishige aldin shara'it hazirlash iken.
Xitay da'irilirining namrat déhqanlarni yölesh siyasiti bahanisida déhqanlarni xitay ölkilirige yötkep ishlitishi, Uyghurlarning kishilik hoquqi üchün pa'aliyet élip bériwatqan chet'ellerdiki Uyghur teshkilatlirini qattiq endishige salmaqta.
Uyghur teshkilatliri pa'aliyetchiliri, bolupmu Uyghur qizlirining éshinchi emgek küchi süpitide ichkiri ölkilerge élip kétilishi, xitay hökümitining Uyghurlarni assimilyatsiye qilish qedimini tézlitish istiratégiyisi ikenlikini eskertip , xelq'ara jama'ettin xitay hökümitige bu xil herikitini toxtitish üchün bisim ishlitishini teshebbus qilmaqta. (Eqide)
Munasiwetlik maqalilar
- Awstraliye gézitliri oghrilap kétilgen Uyghur balilirining xitay ölkiliride yanchuqchiliqqa séliniwatqanliqini ashkarilidi
- Halaketke duch kelgen Uyghurlar
- Xitay ölkiliridiki zawutlargha orunlashturulghan Uyghur qizliri öz yurtlirigha kételmey temtirep yürmekte
- Xitaydin qéchip kelgen kichik perhat anisi bilen tépishti
- Xitay olimpik tawarlirini ishlep chiqiridighan karxanilarda emgek hoquqini depsende qilish bilen eyiblendi
- Tékes nahiyisidin qazaq yashliri chingdawgha ishleshke ewetildi
- Ürümchidiki bir ali mektepte qiz oqughuchilar üstidin hamildarliq tekshürüshi élip bardi
- Kim kimning düshmini? (2)