Уйғур елидә 100 миңдин артуқ мал-чарвичи яйлақлардин көчүрүлмәкчи


2007-04-24
Share

Тәңритағ ториниң 24 ‏- април бәргән хәвиригә қариғанда, аптоном районлуқ чарвичилиқ назарити яйлақларға келиватқан бесимни кемәйтиш үчүн, бу йилдин башлап 100миңдин 150 миңғичә мал-чарвичини йеза ‏- базарларда хизмәт қилишқа көчурмәкчи икән.

Аптоном районлуқ чарвичилиқ назаритиниң чүшәндүрүшигә асасланғанда, һазир уйғур елидики чарвичиларниң сани 1 милйон әтрапида болуп, чарвичиларни йөткәш қурулуши пиланиға асасән хитайниң "11- 5"йиллиқ пилан җәрянида 600 миңға йеқин чарвичилар башқа кәсипләргә алмаштурилидикән.

Хитай мәтбуатлирида ,чарвичиларниң кәсип алмаштуруши, яйлақларниң екологийилик тәңпуңлуқини сақлаш үчүн икәнлики, көрситилгән.

Әмма, тәңритағ торида 23 ‏- април берилгән хәвәрдә ашкарилинишичә, нарат яйлиқи мәнзирә районини хитайниң суҗу шәһиридә ечилған саяһәт йәрмәнкисиниң мәркизи нуқтисиға айландуруш тоғрисида бир қатар паалийәтләр елип берилған. Униңдин башқа нарат саяһәт райони мәдәнийәт мозийи ечилған вә нурғунлиған саяһәтчиләрни җәлип қилған.

Һазир оттура асияда истиқамәт қиливатқан бир уйғур зиялийниң қаришичә, хитайлар оттуриға қойған яйлақ екологийиси мәсилиси бир муназирә тәләп қилидиған мәсилә болуп, бу йәрдә айдиңлаштурушқа тегишлики, яйлақ районлириға келиватқан бесимниң мәнбийи мәсилиси икән.

У ниң ейтишичә йәнә, яйлақларға келиватқан бесим саяһәтчилик вә башқа сәвәбләр билән мәзкур районларда адәм паалийитиниң көпийиши нәтиҗисидә пәйда болғанму яки уни шу җайларда әзәлдин яшап кәлгән хәлқләр кәлтүрүп чиқарғанму дегән мәсилиләр үстидә техиму ичкириләп тәтқиқ қилишқа тоғра келидикән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт