Amérika konsulxanisi dolqun eysani iptar ziyapitige teklip qildi


2007-09-28
Share

Aldinqi küni gérmaniyining myunxén shehiridiki amérika konsulxanisi, dunya Uyghur qurultiyi bash katipi dolqun eysani amérika bash konsuli erik nélsonning öyide ötküzülgen iptar ziyapitige teklip qildi we dolqun eysa ziyapetke qatnashti.

Dunya Uyghur qurultiyi tor bétining bu heqtiki xewiride eskertilishiche, erik nélsonning öyidiki iptar ziyapitige myunxéndiki musulman teshkilatlarning rehberliri, diniy zatlar we bezi musulman döletler konsulliri qatnishipla qalmay, ziyapette yene amérikining gérmaniyidiki bash elchisi wilyam timkén, xanimi syu timkén, myunxén shehirining bashliqi kristyén udé, bawariye shtatining edliye ministiri byété mérk, türkiyining myunxén bash konsuli rifat köksalni öz ichige alghan 50 dek diplomat we bir qisim hökümet emeldarliri hazir bolghan.

Dunya Uyghur qurultiyining xewiride eskertishiche, dolqun eysa ziyapet jeryanida amérika bash elchisi wilyan timkén, myunxén sheher bashliqi kristyén udé we amérika bash konsuli erik nélsonlar bilen söhbetliship, ulargha ramizan éyi jeryanida Uyghur élide yüz bériwatqan hadisiler, Uyghurlargha qaritilghan diniy bésim, bolupmu ramizan éyi jeryanida roza tutush erkinlikining cheklimige uchrawatqanliqini yetküzgen.

Analizchilar, iptar ziyapiti bir tereptin amérika hökümitining her xil dinlargha, jümlidin islam diniy we musulmanlargha hörmet qilidighanliqini ipadilesh bolsa, yene bir tereptin dolqun eysani iptargha chaqirish xitay da'irilirining dolqun eysani atalmish "sherqiy türkistan térrorchilar tizimliki"diki shexs, dep élan qilghanliqini étibargha almighanliqining namayendisi, dep mulahize qilishmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet