Д у қ дуняниң һәрқайси җайлиридики уйғур тәшкилатлирини намайишқа тәшкиллиди


2007-10-01
Share

Бүгүн 1- өктәбир, хитай хәлқ җумһурийити қурулғанлиқиниң 58 ‏- йиллиқ, шинҗаң уйғур аптоном райони қурулғанлиқиниң 52 ‏-йиллиқ хатирә күни. Бүгүн йәнә , 1944 ‏- йили ғулҗида қурулған шәрқи түркистан җумһурйитигә хатимә берилгинигә 58 йил болған күн. Бу күн уйғур сясий тарихида зор бир бурулуш пәйда болған күн. Мана мушу сәвәбтин, бу күнни дуня уйғур қурултийи уйғурларниң миллй матәм күни дәп елан қилди. Дуняниң һәрқайси җайлиридики уйғур тәшкилатлирини намайишқа тәшкиллиди.

Намайиш вашингтон, лондон, осло, әнқәрә , мюнхен ,гаага, калгарий қатарлиқ шәһәрләрдики хитай әлчиханилири вә консулханилири алдида давам қилди.Йеқинқи күнләрдин бери әнглийидә паалийәт елип бериватқан уйғур миллй һәрикитиниң йолбашчиси, дуня уйғур қурултийиниң рәиси рабийә қадир ханим лондондики намайишқа иштирак қилди . Мюнхендики намайишқа дуня уйғур қурултийиниң баш катипи долқун әйса йетәкчилик қилди .

Уйғур тәшкилатлири намайиш җәрянида бәргән баянатлирида хитай хәлқ җумһурийитиниң уйғурларға бәхт-саадәт әмәс балайи апәт елип кәлгәнликини билдүрди. Пакит сүпитидә, бу 58 йил ичидә уйғур районидики хитай нопусиниң, %4 дин %40 кә көпәйгәнликини; уйғур райониниң йәр асти- йәр усти байлиқлириниң, йәрлик хәлққә қилчиму мәнпәәт йәткүзмәстин хитай өлкилиригә үзлүксиз тошулуватқанлиқини, уйғур райониниң сиясий, иқтисадий һоқуқниң хитай көчмәнлири тәрипидин тамамән монопол қилинғанлиқини көрсәтти.

Баянатларда йәнә, уйғурларға қарши бастуруш һәрикәтлириниң ,бу 58 йил ичидә, "әксилинқилабчиларға қарши туруш, йәрлик милләтчиләргә қарши туруш, миллй бөлгүнчиләргә қарши туруш, радикал динчиларға қарши туруш , террорчилиққа қарши туруш" дегәндәк намлар билән өзлүксиз давамлишип келиватқанлиқини, шуңа, бүгүн уйғур районида тәбриклиниватқан икки байрамниң уйғурларға теңилған сахта байрам икәнликини паш қилди. (Шөһрәт һошур)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт