D u q dunyaning herqaysi jayliridiki Uyghur teshkilatlirini namayishqa teshkillidi


2007-10-01
Share

Bügün 1- öktebir, xitay xelq jumhuriyiti qurulghanliqining 58 ‏- yilliq, shinjang Uyghur aptonom rayoni qurulghanliqining 52 ‏-yilliq xatire küni. Bügün yene , 1944 ‏- yili ghuljida qurulghan sherqi türkistan jumhuryitige xatime bérilginige 58 yil bolghan kün. Bu kün Uyghur syasiy tarixida zor bir burulush peyda bolghan kün. Mana mushu sewebtin, bu künni dunya Uyghur qurultiyi Uyghurlarning milly matem küni dep élan qildi. Dunyaning herqaysi jayliridiki Uyghur teshkilatlirini namayishqa teshkillidi.

Namayish washin'gton, london, oslo, enqere , myunxén ,ga'aga, kalgariy qatarliq sheherlerdiki xitay elchixaniliri we konsulxaniliri aldida dawam qildi.Yéqinqi künlerdin béri en'gliyide pa'aliyet élip bériwatqan Uyghur milly herikitining yolbashchisi, dunya Uyghur qurultiyining re'isi rabiye qadir xanim londondiki namayishqa ishtirak qildi . Myunxéndiki namayishqa dunya Uyghur qurultiyining bash katipi dolqun eysa yétekchilik qildi .

Uyghur teshkilatliri namayish jeryanida bergen bayanatlirida xitay xelq jumhuriyitining Uyghurlargha bext-sa'adet emes balayi apet élip kelgenlikini bildürdi. Pakit süpitide, bu 58 yil ichide Uyghur rayonidiki xitay nopusining, %4 din %40 ke köpeygenlikini؛ Uyghur rayonining yer asti- yer usti bayliqlirining, yerlik xelqqe qilchimu menpe'et yetküzmestin xitay ölkilirige üzlüksiz toshuluwatqanliqini, Uyghur rayonining siyasiy, iqtisadiy hoquqning xitay köchmenliri teripidin tamamen monopol qilin'ghanliqini körsetti.

Bayanatlarda yene, Uyghurlargha qarshi basturush heriketlirining ,bu 58 yil ichide, "eksil'inqilabchilargha qarshi turush, yerlik milletchilerge qarshi turush, milly bölgünchilerge qarshi turush, radikal dinchilargha qarshi turush , térrorchiliqqa qarshi turush" dégendek namlar bilen özlüksiz dawamliship kéliwatqanliqini, shunga, bügün Uyghur rayonida tebrikliniwatqan ikki bayramning Uyghurlargha téngilghan saxta bayram ikenlikini pash qildi. (Shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet