د ئۇ ق قىرغىزىستان ھۆكۈمىتىنى، قىرغىزىستاندىكى ئۇيغۇرلارنىڭ كىشىلىك ھوقۇقىنى ھۆرمەت قىلىشقا چاقىردى


2004-12-22
Share

دۇنيا ئۇيغۇر قۇرۇلتىيى قىرغىزىستان ھۆكۈمىتىنى، خىتاي ھۆكۈمىتىنىڭ ئۇيغۇرلارنىڭ قىرغىزىستاندىكى قانۇنلۇق پائالىيەتلىرىنى چەكلەش توغرىسىدىكى بېسىمىغا قارىماي، قىرغىزىستاندىكى ئۇيغۇرلارنىڭ كىشىلىك ھوقۇقىغا ھۆرمەت قىلىشقا چاقىردى .

دۇنيا ئۇيغۇر قۇرۇلتيىنىڭ رەئىسى ئەركىن ئالپتېكىن "بىز قىرغىزىستان ھۆكۈمىتىدىن ئۆز پۇقرالىرىنىڭ دېموكراتىك ھەق-ھوقۇقلىرىغا ھۆرمەت قىلىشىنى ئۈمىد قىلىمىز. گەرچە قىرغىزىستاندىكى ئۇيغۇر ئىتتىپاقى بىر ئۇيغۇر تەشكىلاتى بولسىمۇ، لېكىن بۇ تەشكىلات قىرغىزىستان پۇقرالىرى بولغان ئۇيغۇرلار تەرىپىدىن قۇرۇلغان بىر تەشكىلات" دىدى .

قىرغىزىستان كىشلىك ھوقۇق كومىتېتىنىڭ خەۋەر قىلىشىچە، قىرغىزىستان دۆلەت كاتىپى تاشقى ئىشلار مىنىستىرى ئوسماناكون ئىبراھىموف 14 - دىكابىر كۈنى قىرغىزىستاندىكى ئۇيغۇرلارنىڭ قانۇنلۇق تەشكىلاتى "ئىتتىپاق" نىڭ قىرغىزىستان دۆلەتلىك دراما- تىياتىر ئىدارىسىدا يىللىق يىغىن ئىچىشىنى چەكلىگەن .

ئىبراھىموف ، "ئىتتىپاق" نىڭ رەئىسى روزىمەمەت ئابدۇلباقىيىفنىنى بېشكەكتە چىقىدىغان "ئاغىم" گىزىتىگە بەرگەن باياناتىدا، ھەربىر ئۇيغۇر كەلگۈسىدە ئۇيغۇرىستان - شەرقى تۈركىستاننىڭ مۇستەقىللىقىغا ئېرىشىدىغانلىقىغا ئىشىنىدۇ دېيىش ئارقىلىق، خىتاي- قىرغىزىستان مۇناسىۋەتلىرىنى مۇرەككەپلەشتۈرىۋەتتى" دەپ ئەيىبلىگەن .

قىرغىزىستان كىشىلىك ھوقۇق كومىتېتىنىڭ بىلدۈرۈشىچە، قىرغىزىستان دۆلەت مىنىستىرى ئىبراھىموف، "ئىتتىپاق" نىڭ رەئىسى روزىمەمەت ئابدۇلباقىيىفگە، ئەگەر ئۇ مەزكۇر گېزىتكە بەرگەن باياناتىنى قايتۇرۇپ ئالسا، "ئىتتىپاق" نىڭ يىللىق يىغىنىنى دۆلەتلىك دراما- تىياتىر سارىيىدا ئۆتكۈزۈشكە رۇخسەت بىرىدىغانلىقىنى بىلدۈرگەن . لېكىن، روزىمەمەت ئابدۇلباقىيف گېزىتگە بەرگەن باياناتىنى قايتۇرۇپ ئېلىشنى رەت قىلغاندىن كېيىن، قىرغىزىستان ئەمەلدارلىرى ئۇيغۇر ئىتتىپاقىنىڭ تىياتىر سارىيىدا يىللىق يىغىنىنى ئۆتكۈزۈشىنى چەكلىگەن . (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت