Д у қ қирғизистан һөкүмитини, қирғизистандики уйғурларниң кишилик һоқуқини һөрмәт қилишқа чақирди


2004.12.22
Share on WhatsApp
Share on WhatsApp

Дуня уйғур қурултийи қирғизистан һөкүмитини, хитай һөкүмитиниң уйғурларниң қирғизистандики қанунлуқ паалийәтлирини чәкләш тоғрисидики бесимиға қаримай, қирғизистандики уйғурларниң кишилик һоқуқиға һөрмәт қилишқа чақирди .

Дуня уйғур қурултйиниң рәиси әркин алптекин "биз қирғизистан һөкүмитидин өз пуқралириниң демократик һәқ-һоқуқлириға һөрмәт қилишини үмид қилимиз. Гәрчә қирғизистандики уйғур иттипақи бир уйғур тәшкилати болсиму, лекин бу тәшкилат қирғизистан пуқралири болған уйғурлар тәрипидин қурулған бир тәшкилат" диди .

Қирғизистан кишлик һоқуқ комитетиниң хәвәр қилишичә, қирғизистан дөләт катипи ташқи ишлар министири османакон ибраһимоф 14 - дикабир күни қирғизистандики уйғурларниң қанунлуқ тәшкилати "иттипақ" ниң қирғизистан дөләтлик драма- тиятир идарисида йиллиқ йиғин ичишини чәклигән .

Ибраһимоф , "иттипақ" ниң рәиси розимәмәт абдулбақийифнини бешкәктә чиқидиған "ағим" гизитигә бәргән баянатида, һәрбир уйғур кәлгүсидә уйғуристан - шәрқи түркистанниң мустәқиллиқиға еришидиғанлиқиға ишиниду дейиш арқилиқ, хитай- қирғизистан мунасивәтлирини мурәккәпләштүривәтти" дәп әйиблигән .

Қирғизистан кишилик һоқуқ комитетиниң билдүрүшичә, қирғизистан дөләт министири ибраһимоф, "иттипақ" ниң рәиси розимәмәт абдулбақийифгә, әгәр у мәзкур гезиткә бәргән баянатини қайтуруп алса, "иттипақ" ниң йиллиқ йиғинини дөләтлик драма- тиятир сарийида өткүзүшкә рухсәт биридиғанлиқини билдүргән . Лекин, розимәмәт абдулбақийф гезитгә бәргән баянатини қайтуруп елишни рәт қилғандин кейин, қирғизистан әмәлдарлири уйғур иттипақиниң тиятир сарийида йиллиқ йиғинини өткүзүшини чәклигән . (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт