D u q qirghizistan hökümitini, qirghizistandiki Uyghurlarning kishilik hoquqini hörmet qilishqa chaqirdi


2004.12.22
Share on WhatsApp
Share on WhatsApp

Dunya Uyghur qurultiyi qirghizistan hökümitini, xitay hökümitining Uyghurlarning qirghizistandiki qanunluq pa'aliyetlirini cheklesh toghrisidiki bésimigha qarimay, qirghizistandiki Uyghurlarning kishilik hoquqigha hörmet qilishqa chaqirdi .

Dunya Uyghur qurultyining re'isi erkin alptékin "biz qirghizistan hökümitidin öz puqralirining démokratik heq-hoquqlirigha hörmet qilishini ümid qilimiz. Gerche qirghizistandiki Uyghur ittipaqi bir Uyghur teshkilati bolsimu, lékin bu teshkilat qirghizistan puqraliri bolghan Uyghurlar teripidin qurulghan bir teshkilat" didi .

Qirghizistan kishlik hoquq komitétining xewer qilishiche, qirghizistan dölet katipi tashqi ishlar ministiri osmanakon ibrahimof 14 - dikabir küni qirghizistandiki Uyghurlarning qanunluq teshkilati "ittipaq" ning qirghizistan döletlik drama- tiyatir idarisida yilliq yighin ichishini chekligen .

Ibrahimof , "ittipaq" ning re'isi rozimemet abdulbaqiyifnini béshkekte chiqidighan "aghim" gizitige bergen bayanatida, herbir Uyghur kelgüside Uyghuristan - sherqi türkistanning musteqilliqigha érishidighanliqigha ishinidu déyish arqiliq, xitay- qirghizistan munasiwetlirini murekkepleshtüriwetti" dep eyibligen .

Qirghizistan kishilik hoquq komitétining bildürüshiche, qirghizistan dölet ministiri ibrahimof, "ittipaq" ning re'isi rozimemet abdulbaqiyifge, eger u mezkur gézitke bergen bayanatini qayturup alsa, "ittipaq" ning yilliq yighinini döletlik drama- tiyatir sariyida ötküzüshke ruxset biridighanliqini bildürgen . Lékin, rozimemet abdulbaqiyf gézitge bergen bayanatini qayturup élishni ret qilghandin kéyin, qirghizistan emeldarliri Uyghur ittipaqining tiyatir sariyida yilliq yighinini ötküzüshini chekligen . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet